Verse 1
ಚೀಯೋನೋ ಎಚ್ಚರ್ಗೆ ಆಲ
ಮುಟ್ಟಾಂಡ್ ಲೋಕದಂತ್ಯಕಾಲ
ಯೆಹೋವ ದೂತೆ ಲೆಪ್ಪುವೆ.
ಕ್ರಿಸ್ತೆ ಕುಡ ಬರ್ಪೆ ಯೇಪ?
ನಡೀರ್‍ದಗ ಬರ್ಪೆ ಬೇಗ
ತಯಾರ್ ಮಳ್ತ್‌ದುಪ್ಪುಲೆ
ಬುದ್ಧಿತ್ತಿ ಕನ್ಯೊಳೇ
ತುಡರ್ ಪತ್ತೊಣ್ಲೆ
ಎದುಕೊಣ್ಲೆ
ಕ್ರಿಸ್ತ್ಯೇಸುನೇ ಹಾ ಮಹಿಮೆ
ಉಂದೆನ್ ತೂದು ಲಕ್ಕ್‌ಲೆ.
Verse 2
ಚೀಯೋನೇತೋ ಹರ್ಷ ಆದ್
ಈ ವಾಕ್ಯ ಕೆಂಡ್ದ್ ಜಾಗರಾದ್
ನಿದ್ರೆಡ್ದ್ ಬೇಗ ಲಕ್ಕುಂಡು.
ಸರ್ವ ಲೋಕ ಯಜಮಾನೆ
ಅನಂತಜ್ಯೋತಿ ಗತಿ ತಾನೇ
ದಂಡ್ಯಾವೆ ತನ ಜನೊಕು.
ಪ್ರೀತಿತ್ತಿ ಕರ್ತವಾ
ಈ ಯೆಂಕುಳೆನ್‍ಲಾ
ಕೊಂಡುಪೋಲ
ಬಯಕುವ ಆ ನಿತ್ಯದ
ವಿಶೇಷ ಸ್ವರ್ಗಭೋಜನ.
Verse 3
ಯೇಸೋ ಜೀವರಾಶಿ ಮಾತ
ನಿಕ್ಕೌಳು ನಿತ್ಯ ಜಯಗೀತ
ಸಂಭ್ರಮ ಆದ್ ಮಳ್ಪುಂಡು.
ನಿನ ಪಟ್ಣ ಯೆಂಕ್ಳೆ ಸ್ಥಾನ
ನಿಕ್ಕೈಟ್ ಯೆಂಕ್ಳು ಕೀರ್ತಿ ಮಾನ
ಕೊರ್ಪೇವ ಸದಾಕಾಲೊಗು.
ಯೇರಾಂಡ್ಲ ತೂವಂದಿ
ಓಳಾಂಡ್ಲಾ ಕೇಣಂದಿ
ಈ ಸಂತೋಷ
ಆ ಸ್ಥಳೊಟು ಯುಗಾಂತ್ರೊಗು
ಹೆಚ್ಚೆಚ್ಚ ಆವೊಣ್ದುಪ್ಪುಂಡು.