Verse 1
ಶ್ರೀ ದೇವಪುತ್ರಾ ಯೆಂಕುಳು
ನಿನಾಕುಳಾದ್ ಉಳ್ಳ
ಈ ಬರ್ಪಿನೆನ್ ಹರ್ಷೊಡು
ದಿನಾಲಾ ಕಾತೊಣ್ದುಳ್ಳ.
ವಾಗ್ದತ್ತೊನು ವಿಶ್ವಾಸೊಡು
ದೃಢಾದ್ ಪತ್ತುನಾಯೆ
ಆ ದಿನೊಕು ಪೋಡ್ಯಯೆ.
Verse 2
ಸಂಕಷ್ಟ ಆಪಿ ಕಾಲೊಡು
ನಿನಂಚಿ ತೂದು ಕಾಪ
ನಿಕ್ಕಾಯಿ ಶ್ರಮೆ ಸಾವುಡ್ದು
ಮಾಫಾಂಡ್ ಯೆಂಕ್ಳೆ ಪಾಪ.
ಇಂಚಾನಗ ವಾ ಕಷ್ಟಲಾ
ತಾಳೊಣ್ವ ಧೈರ್ಯ ಆದ್
ಕ್ರಿಸ್ತ್ಯೇಸು ಮಾನೊಗಾದ್.
Verse 3
ಕ್ರಿಸ್ತ್ಯೇಸೋ ಮಾತ ಕಾಲೊಡು
ಈ ಬರ್ಪಿನೆನ್ ಕಾಪ.
ದಿನಾಲಾ ಯೆಂಕ್ಳೆ ಆತ್ಮೊಗು
ಸಮಿಪ ಉಳ್ಳ ಆಂಡ
ರೂಪ್ರೊಪುಡು ತೂಪೇವೊಡು
ಪವಿತ್ರ ನಿನ ಮುಖ.
ಅಂಚಾಂಡ ಏತೋ ಸುಖ.
Verse 4
ಕ್ರಿಸ್ತ್ಯೇಸೋ ನಿನ ಪುಂಡುಗು
ದಿನಾಲಾ ಮುಟ್ಟ ಉಳ್ಳ
ಅಂದಂದ್ ಸರ್ವ ಲೋಕೊನು
ಈ ಆಳುನಾಯಾದುಳ್ಳ.
ಬೇಗ ಬಲ್ಲ ಓ ಕರ್ತವಾ
ತೋಜಾಲ ನಿನ ರೀತಿ
ತುತ್ತಾಲ ನಿನ ನೀತಿ.
Verse 5
ಈ ಬರ್ಪಿನವು ನಿಶ್ಚಯ
ಯೆಂಕುಳು ಸಾದಿ ತೂಪ
ಆ ಮಲ್ಲ ದಿನ ಬನ್ನಗ
ಸಂಪೂರ್ಣ ಭಾಗ್ಯೊಡುಪ್ಪ.
ಓ ಕರ್ತವಾ ಈ ಬನ್ನಗ
ಯೆಂಕ್ಳೆನ್ ಬುಡುಪಾಲ
ಪ್ರಸಾದ ದಂಡಿಯಾಲ.