Verse 1
ಎಚ್ಚರಿಗೆ ಆದುಪ್ಪುಲೆ
ಈ ದುಷ್ಟ ಲೋಕೊಗು
ನಿಜಾದ್ ನ್ಯಾಯ ತೀರಿಕೆ
ಎಲ್ಲಂಜಿ ಬರ್ಪುಂಡು.
Verse 2
ಕ್ರಿಸ್ತ್ಯೇಸು ಒರ ಫಕ್ಕನೆ
ಸರ್ವಾಧಿಕಾರೊಡು
ನಡೀರ್‍ದಗ ಬರುವೆ
ಈ ನ್ಯಾಯ ತೀರ್ಪುಗು.
Verse 3
ಯಾನಾಂಡ ಪ್ರಿಯ ಕರ್ತವಾ
ಈ ಕುಡ ಬನ್ನೆಂಗೆ
ನಿನನ್ಲಾ ನಿನ ವಾಕ್ಯೊನ್ಲಾ
ಸ್ಥಿರಾದ್ ನಂಬುವೆ್.
Verse 4
ಈ ಲೋಕ ಐನ್ ನಂಬಂದೆ
ಅನ್ಯಾಯ ಮಳ್ಪುಂಡು
ಆ ದಿನ ಮುಟ್ಟ ಬುಡಂದೆ
ಪಾಪೊಡು ರೆಂಕುಂಡು.
Verse 5
ಸೈತಾನ ಚಾಕ್ರಿದಾಕುಳು
ಆ ದಿನ ಬನ್ನಗ
ಆ ಬೊಳ್ಪುದ ಪ್ರಕಾಶೊಗು
ತಪ್ಪಾವೊಣ್‍ಂಬೆರಾ?
Verse 6
ಹೃದಯೊಡುಪ್ಪು ಯೋಚನೆ
ಸಮಸ್ತ ಪಾತೆರ
ಸಮಸ್ತ ಕಾರ್ಯ ಬೊಳ್ಪುಡೇ
ತೋಜುಂಡು ಪಿಂದೊಣ್ಲೆ.
Verse 7
ಅವ್ವೇ ಪ್ರಕಾರ ಕರ್ತವೆ
ತನತಿ ಪ್ರಿಯೆರೆ
ವಿಶ್ವಾಸ ಪ್ರೀತಿ ಪ್ರಾರ್ಥನೆ
ಪ್ರಕಟ ಮಳ್ಪುವೆ.
Verse 8
ದೆಂಗಾದಿ ಕಾರ್ಯ ಮಾತಲಾ
ಬೈಲ್‍ಗ್ ಬೂರುಂಡು
ಅನ್ಯಾಯ ಮೋಸ ಕಪಟ
ಪೂರ್ತ್ಯಾದ್ ತೆರಿಯು.
Verse 9
ಓ ನ್ಯಾಯತೀರ್ಪು ಕರ್ತವಾ
ಆ ಮಲ್ಲ ದಿನೊಟು
ಯೆನಾತ್ಮೊನ್ಲಾ ಶರೀರೊನ್ಲಾ
ನಿನ್ನೌಳು ಸೇರಾವು.