Verse 1
ಪೊರ್ತಾಂಡ್ ಪೋಯಿ ಬಲ್ಲೆ
ಪ್ರಿಯ ಸಹೋದ್ರೆರೇ.
ಈ ಲೋಕಮೋಸ ಮಲ್ಲೆ
ಐಟೇ ತಿಕ್ಕೊಣಡೆ.
ಉತ್ತಾಸ ಮಳ್ಪುಲೆ.
ಆ ಲೋಕೊಗು ಪ್ರಯಾಣ
ಪೂರೈಸುನೆಕ್ ತ್ರಾಣ
ಕ್ರಿಸ್ತ್ಯೇಸು ಕೊರುವೆ.
Verse 2
ಇಕ್ಕಟ್ಟ್ ಸಾದಿ ಭಾರಿ
ಪ್ರಯಾಸ ಕೊರ್ಪುಂಡು
ಆಂಡ್ಲಾ ಸರ್ವಾಧಿಕಾರಿ
ಸಹಾಯ ನಂಬೊಣ್ದು
ಪ್ರಪಂಚ ಬುಡುದು
ಯೆರೂಸಲೇಮು ಮಿತ್ತ್
ನಮಾತ್ಮದೃಷ್ಟಿ ದೀದ್
ಒಟ್ಟಾದ್ ಪೋವೊಡು.
Verse 3
ಪ್ರಪಂಚದನುಭೋಗ
ತೂವಂದೆ ಪಾರುಗ.
ನಾಶಾದ್ ಪೋಪಿ ಲೋಕ
ಅಭ್ಯಂತ್ರ ಕೊಂರ್ಡಲಾ
ನಿರೀಕ್ಷೆ ಬುಡಡೆ.
ದೇಶಾಂತ್ರೊಗು ಬೋಡಾದ್
ನಿರ್ಭಯದಾಕುಳಾದ್
ಆ ಗಡು ತೂವೊಣ್ಲೆ.
Verse 4
ಸಂತೋಷದಾಕುಳಾದ್
ಕೈ ಕೊರ್ದು ಪಾರುಗ.
ಒರ್ಯೊರ್ಯ ಸುಖೊಕಾದ್
ಸಹಾಯ ಮಳ್ಪುಗ.
ಪ್ರಯಾಣ ಮುಗಿಯು
ಸ್ವದೇಶ ಮುಟ್ಟ ಆವು
ಪ್ರವೇಶ ಬೇಗ ಆವು
ನಮಮ್ಮ ವಾಸೊಗು.