Verse 1
ಪೊರ್ತಾಂಡ್ ಯೇಸೋ
ಮೂಳು ತಡೆಲ
ಈ ರಾತ್ರೆ ಯೆಂಕ್ಳೆ ಒಟ್ಟುಗುಪ್ಪುಲ.
ಆಧಾರ ಮಾತ ತತ್ತ್ ಪೋಂಡಲಾ
ಈ ಕೈತಳುಪ್ಪು ಪ್ರಿಯ ರಕ್ಷಕಾ.
Verse 2
ಈ ಜೀವಕಾಲ ಬೇಗ ಪಾರುಂಡು
ಪ್ರಪಂಚಸೌಖ್ಯ ಓಳು ಉಂತುಂಡು?
ಸಮಸ್ತ ವಸ್ತ್ ಅಳಿಯುಂಡತ್ತಾ
ಐಕಾದ್ ನಿತ್ಯ ಕರ್ತಾ ತಡೆಲ.
Verse 3
ನ್ಯಾಯಾಧಿಪತಿ ಆದ್ ಬರಡ
ಕಟಾಕ್ಷೊನೇ ತೋಜಾಲ ಕರ್ತವಾ
ಉದ್ಧಾರ ಮಳ್ಪುನಾಯಾ ಇತ್ತೆಲಾ
ಪಾಪಾತ್ಮ ಇಷ್ಟೆ ಆದ್ ತಡೆಲ.
Verse 4
ಯೆಂಕೀಯೇ ಬೋಡು ಮಾತ ಕಾಲೊಡ್ಲಾ
ಈ ಇಜ್ಜಡ ಯೆಂಕೋಳು ಆಶ್ರಯ?
ನಿನಲ್ಕ ಯೇರ್ಲಾ ನಡಪುಡೆನಾ?
ಪಗೆಲ್ ರಾತ್ರೆ ಕೈತಳುಪ್ಪುಲ.
Verse 5
ಯೇರುಳ್ಳೆ ಯೆಂಕೀ ಘೋರಾ ರಣ್ಯೊಡು?
ದೊಂಬುಡು ಗಾಳಿ ಬರ್ಸ ಕಾಲೊಡು
ನಾಯಕ ಈಯೇ ತೂತ ಮುಗಲ್ದ
ಕಮ್ಮಾದ್ ಯೇಸೋ ಒಟ್ಟುಗುಪ್ಪುಲ.
Verse 6
ಈ ಉಳ್ಳಡ ವಾ ವೈರಿನಾಂಡಲಾ
ಸೋಪಾವು ಬಲ ಯೆಂಕ್ ಉಂಡತ್ತಾ
ಸಮಾಧಿ ಸಾವುದೌ ಭಯಂಕರ
ನಿರ್ಮೂಲ ಆಪುಂಡು ಈ ಉಳ್ಳಡ.
Verse 7
ಕಡೆಕ್ ಕಣ್ಣ್ ಮುಚ್ಚು ಕಾಲೊಡು
ತೋಜಾಲ ಪರಲೋಕ ಭಾಗ್ಯೊನು
ಸ್ವರ್ಗದ ಪುಲ್ಲ್ಯಕೆಲ ಆನಗ
ಮೂಳುಪ್ಪು ರಾತ್ರೆ ಪೋವು ಯೆಂಚಲಾ.