Verse 1
ಬಯ್ಯ ಆಂಡ್ ಯೇಸೋ ಯೆನ
ಒಟ್ಟುಗೀಯೇ ಉಪ್ಪುಲ
ನಿನ ಭಕ್ತಿ ಮಳ್ಪು ಜನ
ಮಾತೆರ್ಡೊಪ್ಪ ಯಾನ್‍ಲಾ
ಇತ್ತೆ ನಿಕ್ಕ್ ಪಂಡೊಣ್ದುಳ್ಳೆ್
ಸುಖ ದುಃಖ ಮಾತೆನ್ಲಾ.
“ನಟ್ಟೊಣ್ಲೆ ತಿಕ್ಕುಂಡು ತೂಲೆ”
ಇನ್ಪಿ ವಾಕ್ ಕೊರ್ತತ್ತಾ.
Verse 2
ಬಲ್ಲ ಯೇಸೋ ಯೆನ ಪ್ರಾಣ
ನಡೊಣ್ದುಂಡು ನಿನನೇ
ಈಯೇ ಮಾತ್ರ ಕೊರ್ಪ ತ್ರಾಣ
ಆತ್ಮೊಗು ವಿಮೋಚನೆ.
ಗತಿ ಇಜ್ಜಿ ನಿನ ಹೊರ್ತು
ನಿನ ಶುದ್ಧ ನೆತ್ತೆರೇ
ಪೊಸ ಜೀವ ಯೆಂಕ್ ಕೊರ್ದು
ಒರಿಪಾಂಡ್ ಸಾವುಡ್ದೇ.
Verse 3
ಯೇಸೋ ತಡೆಲ ಈ ಉಳ್ಳ
ಯೆಂಕ್ ಜೀವ ವಸರ್
ನಿನ ಹೊರ್ತು ಅನುಕೂಲ
ಇಜ್ಜಿ ನರಮಾನ್ಯಗ್.
ಈಯೇ ಮಾರ್ಗ ಜೀವ ಸತ್ಯ
ಯೆನ ಕೈತಳುಂತುಲ
ಈಯೇ ಮಾತ್ರ ಯೆಂಕಗತ್ಯ
ಬೇತೆ ಬೊಡ್ಚಿ ಒಂಜಿಲಾ.
Verse 4
ಕೈತಳುಪ್ಪು ಯೆನ ಪ್ರೀತಿ
ನಂಬಿಗೆ ವಿಶ್ವಾಸೊಡು
ಕುಂದೆಲಾಂಡಲಾ ಇಂಚಿತ್ತಿ
ತಪ್ಪು ಯಾನ್ ದುಃಖೊಡು
ಪಿದುಕೊಣ್ದು ನಿನ ದಯ
ಕನಿಕರ ಮಮತೆ.
ಪಾಪಿಳೆಗ್ ಏಕಾಶ್ರಯ
ಇನ್ಪಿ ಧೈರ್ಯೊಡುಪ್ಪುವೆ್.
Verse 5
ಪ್ರಿಯ ಯೇಸೋ ಶೋಧನೆದ
ಪೊರ್ತುಡೆನ ಮನಸ್
ಪಂದೆರೆ ತೊಡಗುನ್ಯಾಂಡ
ಗಟ್ಟಿ ಮಳ್ಪು ಉಂದೆನ್.
ಉಂತು ಯಾನ್ ಉಂತುನಳ್ಪ
ಉಂತು ಜೆಪ್ಪುಗನಲಾ
ಉಂತು ನಿದ್ರೆ ಮಳ್ಪುನಳ್ಪ
ಯೇಪಲಾ ಈ ಇತ್ತೊಣ್ಲ.
Verse 6
ಅಂದ್ ತಡೆವ ನಿಜಾದ್
ಪಾತೆರ ಈ ಕೊರ್ತತ್ತಾ
“ನಿಕುಳೆಗ್ ಮುಟ್ಟ ಆದ್
ಉಂತೊಣ್ದುಳ್ಳೆ್ ಯೆಪಲಾ.”
ನಿದ್ರೆ ಮಳ್ಪು ಓ ಶರೀರ
ನಿದ್ರೆ ಮಳ್ಪು ಪೋಡ್ಯಂದೆ
ಯೇಸು ವಾಕ್ಯದ ಪ್ರಕಾರ
ಭಕ್ತೆರೆನ್ ಕಾಪುವೆ.