Verse 1
ಯೇಸು ಸರ್ವ ಭಕ್ತರೆ
ಪರಿಶುದ್ಧ ನಮೂನೆ
ನಿಜ ಭಕ್ತಿ ಮಾರ್ಗೊನು
ತೂಪ ಆಯ ವಾಕ್ಯೊಡು.
Verse 2
ತನನೇ ತಗ್ಗಾವೊಂಡೆ
ಮತೆರೆಡ್ದ್ ಸಜ್ಜನೆ
ಇನ್ಪಿನೆನ್ ಪೊರ್ಲುಡು
ತೆರಿಪಾಯೆ ಲೋಕೊಗು.
Verse 3
ಪೂರ್ತಿ ಪ್ರೀತಿ ಮಳ್ತ್‌ದೆ
ಎಡ್ಡೆ ಸಮಜೈಸಿಯೆ
ವೈರಿಳೆಗ್ ತೋಜಾಯೆ
ಪ್ರೀತಿ ಅಂತಃಕರಣೆ.
Verse 4
ಅಮ್ಮ ಚಿತ್ತ ಮಳ್ಪೆರೆ
ಬುಡಂದೆ ಪೇಚಾಡಿಯೆ
ಆಯ ಬಾಯ್ದ ಪಾತೆರ
ಪೂರಾ ಸತ್ಯ ಯೇಪಲಾ.
Verse 5
ದೇವರಾಜ್ಯ ಸಾರಿಯೆ
ಕಷ್ಟ ಶ್ರಮೆ ತಾಳೊಂಡೆ
ತನ ಮಾತ ಕ್ರಿಯೊನು
ಮಳ್ತೆ ಅಮ್ಮ ಸ್ತೊತ್ರೊಗು.
Verse 6
ನಿನ ಕಾರ್ಯ ಮಾತೆನ್ಲಾ
ಯೋಸೋ ಯಾನ್ ತೂನಗ
ನಿನ ಎಡ್ಡೆ ಮಾದರಿ
ಯಾನ್ಲಾ ನನ ಪತ್ತೊಲಿ.
Verse 7
ಯೆನ ಸ್ವಂತ ಯೋಚನೆ
ಬೊಡ್ಚಿ ನಿಕ್ಕೇ ಸೇರೋಣ್ವೆ್
ದೇವಪುತ್ರಾ ನಿನನೇ
ಯಾನ್ ಬೆರಿ ಪತ್ತಿಯೆ.
Verse 8
ನಿನ ಮಾರ್ಗ ಕರ್ತವಾ
ಯೆಂಕ್ ಪೂರ್ತಿ ಕಲ್ಪಾಲ
ನಿನ ಆತ್ಮ ಬಲೊಟೇ
ಕಡೇ ಮುಟ್ಟ ಉಂತುವೆ್.
Verse 9
ಅಮ್ಮ ಕೈಕ್ ಆತ್ಮೊನು
ಪ್ರಾರ್ಥನೆಡ್ ಕೊರುದು
ಪ್ರಾಣ ಬುಡ್ತ ಯೆಂಕ್‍ಲಾ
ಅವ್ವೇ ಬುದ್ಧಿ ದಂಡ್ಯಾಲ.