Verse 1
ಶುದ್ಧ ಯೇಸೋ ಶುದ್ಧ ಮೂಲ
ಶುದ್ಧತ್ವೊಗಾದ್ ಅನುಕೂಲ
ಈ ಯೆಂಕ್ ದಯಮಳ್ಪುಲ.
ಕೆರೂಬೆರ್ ಸೆರಫೆರ್
ನಿನಡ್ದೇ ಬೊಳ್ಪು ಹೊಂದಿಯೆರ್
ಈ ಶುದ್ಧ ವಸರಾದುಳ್ಳ
ಯೆಂಕೀಯೇ ನಮೂನೆ
ಸಮಸ್ತ ನಡತೆ
ಸಮ ಮಳ್ಪು
ಯೇಸೋ ಬಲ್ಲ
ಈ ಯೆನನ್ಲಾ
ನಿಕ್ಕನುರೂಪ ಮಳ್ಪುಲ.
Verse 2
ಶಾಂತ ಯೇಸೋ ಪೂರ್ತಿ ಆದ್
ಈ ಅಮ್ಮ ಚಿತ್ತೊಗೊಳಗಾದ್
ವಿಧೇಯಾದಿತ್ತಿಲೆಕ್ಕನೆ
ಯಾನ್ಲಾ ನಿನ ಮಾದ್ರಿ ತೂದು
ಸ್ವಚಿತ್ತ ನಿನ ವಶ ಕೊರ್ದು
ಸದಾ ವಿಧೇಯಾದುಪ್ಪೆರೆ
ಕಲ್ಪಾಲ ಕರ್ತವಾ
ಪವಿತ್ರ ಬೋಧಕಾ
ಶಾಂತಿ ಕೊರ್ಲ
ಯೇಸೋ ಬಲ್ಲ
ಯೆನನ್ಲಾ
ಈ ಪೂರ್ತಿ ಶಾಂತ ಮಳ್ಪುಲ.
Verse 3
ಪ್ರಿಯ ಯೇಸೋ ಜೋಕೆ ಆದ್
ಪಾಪಾತ್ಮೆರೆ ಉದ್ಧಾರೊಗಾದ್
ವಿಶೇಷ ಕಷ್ಟ ಭಂಙೊಡು
ಇತ್ತ. ನಿನ ಪ್ರಾಣದುಃಖ
ಹೆಚ್ಚಾಂಡ್ ನಿಕ್ಕ್ ದಾಲಾ ಸುಖ
ಇಜ್ಜಂದೆ ಪೋಂಡು. ಲೋಕೊಗು
ಬೋಡಾದ್ ಬಿನ್ನಹ
ಮಳ್ತೊಣ್ದು ಜಾಗರ
ಆದ್ ಇತ್ತ
ಯೇಸೋ ಬಲ್ಲ
ಯೆನನ್ಲಾ
ಈ ಪೂರ್ತಿ ಎಚ್ಚರಿಪುಲ.
Verse 4
ಎಡ್ಡೆ ಯೇಸೋ ಪೂರ್ತಿ ಪ್ರೀತಿ
ಯಥಾರ್ಥ ದಯ ಶುದ್ಧ ನೀತಿ
ಈ ಮಾತೆರೆಗ್ ತೋಜಾಯ.
ದಾಲಾ ಭೇದ ತೂಪಾವಂದೆ
ವಾ ಪರಪಕ್ಷಲಾ ಇಜ್ಜಂದೆ
ಒಟ್ಟಾರೆ ದಯ ಮಳ್ತ್‌ದ.
ನಿಕ್ಕುಪ್ಪುಲೆಕ್ಕನೆ
ಯಥಾರ್ಥ ಮಮತೆ
ಯೆಂಕ್ ಕೊರ್ಲ
ಯೇಸೋ ಬಲ್ಲ
ಈ ಯೆನನ್ಲಾ
ನಿಕ್ಕನುರೂಪ ಮಳ್ಪುಲ.
Verse 5
ದಿಂಜ ತಾಳ್ಮೆದಾಯೆ ಆದ್
ನಿಕ್ಕಾಯಿ ಅಪಹಾಸ್ಯಗಾದ್
ಈ ದಾಲಾ ಪ್ರತಿ ಕೊರ್ತ್‍ಜ.
ಈತ್ ಆಂಡ್ಲಾ ಕೋಪದಾಂತಿ
ನಿಕ್ಕಿತ್ತಿ ಮಲ್ಲ ದೀರ್ಘಾಶಾಂತಿ
ಸಮಾದ್ ಯೇರ್ಲಾ ಪಿಂಬೆನಾ?
ಶುದ್ಧಾಯಿ ಗೆಲವು
ಈ ತೋಜಾವೊಣುದು
ಶಾಂತಾದಿತ್ತ.
ಯೇಸೋ ಬಲ್ಲ
ಈ ಯೆನನ್ಲಾ
ನಿಕ್ಕನುರೂಪ ಮಳ್ಪುಲ.
Verse 6
ಯೇಸೋ ದಿವ್ಯ ಮೈಮೆ ಮಾನ
ಈ ಬುಡ್ದು ತತ್ತ್‌ಪೋಯಿ ಪ್ರಾಣ
ದರಿದ್ರೆ ಆದ್ ನಾಡಿಯ.
ದೀನ ಭಾವದಾಯೆ ಆದ್
ವೈನಾಂಡ್ಲಾ ಸ್ವಂತ ಮಾನೊಗಾದ್
ಮಳ್ಪಂದೆ ಇತ್ತ ಕರ್ತವಾ
ಯೇಸೋ ಈ ದಯೊಟು
ಹೆಚ್ಚಾದ್ ಕೊರೊಡು
ದೀನ ಭಾವ
ಯೇಸೋ ಬಲ್ಲ
ಯೆನನ್ಲಾ
ನಿಕ್ಕನುರೂಪ ಮಳ್ಪುಲ.
Verse 7
ಶುದ್ಧ ಯೇಸೋ ನಿನ ಮಾತ
ಸುಶೀಲ ಯೆಂಕ್ಳೆನೌ ಪ್ರಖ್ಯಾತ
ನಮೂನೆ ಆದ್ ದೀವೊಣ್ವ.
ನಿನ ಮಾತ ಕ್ರಿಯೊಳೆಡ್
ಹೃದಯದೌ ಆಲೋಚನೆಡ್
ತೋಜಾಯ ಪೂರ್ಣ ಸದ್ಗುಣ.
ಪವಿತ್ರ ರಕ್ಷಕಾ
ಯೆನಾತ್ಮ ದೇಹೊನ್ಲಾ
ಶುದ್ಧ ಮಳ್ಪು
ಯೇಸೋ ಬಲ್ಲ
ಯೆನನ್ಲಾ
ನಿಕ್ಕನುರೂಪ ಮಳ್ಪುಲ.
Verse 8
ಪ್ರಿಯ ಯೇಸೋ ನಿನ ದಾಸೆ
ಆದುಪ್ಪೊಡಿನ್ಪಿ ಯೆನ ಆಶೆ
ಈಯೇ ಕೊಡಿ ಮುಟ್ಟಾವೊಡು.
ನಿನ ರಾಜ್ಯ ಸೇರ್ರೆ ತಕ್ಕ
ವಿಶ್ವಾಸ ಫಲ ಪುಟ್ಟುಲೆಕ್ಕ
ದಂಡ್ಯಾಲ ಆತ್ಮ ಬಲೊನು.
ಕೈ ಕೊರ್ಲ ಕರ್ತವಾ
ಈ ನಡಪುಡುಲ.
ಒಟ್ಟುಗುಪ್ಪು
ಯೇಸೋ ಬಲ್ಲ
ಯೆನನ್ಲಾ
ಈ ಉಪ್ಪುನೌಳು ಸೇರಾಲ.