Verse 1
ಕ್ರಿಸ್ತ್ಯೇಸೋ ನಿನ ಸೇವೆಗ್
ಯೆಂಕ್ಳೆನ್ ಲೆತ್ತಿನವು ಏತೋ ದಯ
ಸರ್ತಾದ್ ನಿನ ಸತ್ಯ ಸಾದಿಡ್
ಪೋವೊಣ್ದು ನಿನ ಪ್ರೀತಿದತಿಶಯ.
ಸಾಮರ್ಥ್ಯ ಕೊರ್ಪಿ ವಾಕ್ಯ ಪಿಂದೊಂಡ
ಓ ಕರ್ತವಾ.
Verse 2
ಕ್ರಿಸ್ತ್ಯೇಸೋ ಯೆಂಕ್ಳೆ ಪಾಪೊಗು
ಈ ಯೋಗ್ಯ ಶಿಕ್ಷೆ ಕೊರಂದೆ ಅಪಾರ
ಕಟಾಕ್ಷ ತೋಜಾವ ಕರುಣೊಡು
ಈ ಪಾಪಿಳೆಗ್ ಪೂರ್ತಿ ಪರಿಹಾರ
ಕ್ರಿಸ್ತ್ಯೇಸು ನೆತ್ತೆರ್ಗಾದ್ರ ದಂಡ್ಯಾವ
ಓ ಕರ್ತವಾ.
Verse 3
ಕ್ರಿಸ್ತ್ಯೇಸು ಆಶೀರ್ವಾದೊಳು
ಏತೋ ವಿಶೇಷದವು ದಿವ್ಯ ದಾನ
ಬುಡಂದೆ ಪರಪುಂಡು ಯೆಸುಡ್ದು
ಈ ಸರ್ವೆರೆಗ್ ನಿನ ದಯಾಸ್ಥಾನ
ದಿನಾಲಾ ಧಾರಾಳಾದ್ ಜತ್ತ್‌ದ
ಓ ಕರ್ತವಾ.
Verse 4
ಕ್ರಿಸ್ತ್ಯೇಸೋ ಲೋಕಕಷ್ಟೊಳು
ಏತಿತ್ತ್ಂಡ್ಲಾ ಈ ತಡೆವೊಣು ತ್ರಾಣ
ದಂಡ್ಯಾದ್ ಯೆಂಕುಳೆ ವಿಶ್ವಾಸೊಗು
ಅಭಯ ಕೊರ್ಪ ನುರಿಪೋತಿ ಪ್ರಾಣ
ಸೋಪಂದಿಲೆಕ್ಕ ಸುದರಿಪುವ
ಓ ಕರ್ತವಾ.
Verse 5
ಕ್ರಿಸ್ತ್ಯೇಸೋ ನಿನ ದಯೊಟು
ವಿಶ್ವಾಸದಾಕುಳೆಗ್ ಮಲ್ಲ ಪ್ರೀತಿ
ತೋಜಾವುನೆಡ್ದ್ ಯೆಂಕ್ಳೆ ಹರ್ಷೊಡು
ನಿಕ್ಕೊಪ್ಪಿಯೊಣ್ದು ನಿನ ರಾಜ್ಯ ನೀತಿ
ಸಮಾದ್ ಅನುಭವ ಮಳ್ತೊಂಡ
ಓ ಕರ್ತವಾ.
Verse 6
ಕ್ರಿಸ್ತ್ಯೇಸೋ ಆಶೀರ್ವಾದೊಗು
ಯೆಂಕ್ಳೆನ್ ದೀತ ನಿಕ್ಕ್ ನಮಸ್ಕಾರ
ಸಂಸ್ತುತಿ ಮಳ್ತೊಣ್ದುಳ್ಳ ಯೆಂಕುಳು
ಔಳೌಳು ನಿನ ದಿವ್ಯ ಸಮಾಚಾರ
ಪಿನ್ಪಾವ ಯೆಂಕುಳೆಗ್ ಮೆಚ್ಚಿಲ
ಓ ಕರ್ತವಾ.