Verse 1
ಸ್ವಾಮಿ ತನ ಮಲ್ಲ ದಯ
ನಿಕ್ಕ್ ದಂಡಿಯಾನಗ
ಐಡ್ದ್ ಆತ್ಮೊಗು ಸಹಾಯ
ಆಪಿಲೆಕ್ಕ ತೂವೊಣ್ಲ.
Verse 2
ಉರ್ಡು ಜೀವಸಾದಿ ಸನ್ನ
ಸ್ವರ್ಗಬಾಕಿಲಿಕ್ಕಟ್ಟೇ
ಈ ಪ್ರಪಂಚೊಡುಪ್ಪು ಜನ
ನಂಕ್ ಕೊರು ಕೋಟಲೆ.
Verse 3
ಉರ್ಡು ಕಡೆ ದಿನ ಮುಟ್ಟ
ಎಡ್ಡೆ ಧೈರ್ಯೊಡುಪ್ಪುಲ
ಪರಸರ್ಪ ಮೋಸ ತೂಂಡ
ದಾಲಾ ಪೋಡಿ ಪೋವಡ.
Verse 4
ಉರ್ಡು ಆರಂಭದ ಪ್ರೀತಿ
ಬೆಚ್ಚರತ್ ಪೋಪುಂಡು
ಚೌಲಿ ಪ್ರೀತಿ ಯೆಂಚಿ ನೀತಿ?
ಐಡ್ದ್ ಕೇಡ್ ಬರ್ಪುಂಡು.
Verse 5
ನಿಕ್ಕ್ ಮುತ್ತು ತಿಕ್ಕಿ ಬೊಕ್ಕ
ಆಂಡ್ ಅಂದ್‍ದ್ಯೆಣ್ಣಡ
ಭಕ್ತಗ್ ಈ ಕೆಟ್ಟ ಲೋಕ
ಭಂಙ ಕೊರ್ಪುಂಡು ಅತ್ತಾ?
Verse 6
ನಿನ ಆತ್ಮ ರಕ್ಷಣೆಗ್
ದಿಂಜ ಅಡ್ಡ ಬರ್ಪುಂಡು
ಜಾಗ್ರತೆಡ್ ಉಪ್ಪುನೆಕ್
ತೀರುನಾತ್ ತೂವೊಣು.
Verse 7
ಯೇಸು ನಿಕ್ಕ್ ಕೊರ್ತಿನೆನ್
ದಕ್ಕಡ ವಿಶ್ವಾಸೊಡು
ನಿತ್ಯಜೀವ ಮಹಿಮೆನ್
ಗಟ್ಟಿ ಆದ್ ಪತ್ತೊಣು.
Verse 8
ನಿನ ಮಾಂಸದಿಚ್ಛೆಳೆಗ್
ಪೂರ್ತಿ ಎದ್‍ರುಂತುಲ
ಆಂಡ ಬೊಳ್ಪು ಕೊರ್ಪಿನೆಕ್
ದಾಲಾ ಅಡ್ಡಿ ಮಳ್ಪಡ.
Verse 9
ಕೆಟ್ಟ ಆಶೆ ತಾಂಕು ಸಾದಿ
ನಾಶನೊಗು ಪೋಪುಂಡು
ನೆಟ್ಟ್ ನಿನ ಎದ್ರ್‌ವಾದಿ
ಬೇಪುನೆನ್ ತೂವೊಣು.
Verse 10
ಐನ್ ಪಿಂದ್‍ದೀ ಪ್ರಪಂಚ
ಡಂಭಾಚಾರ ಮೆಚ್ಚಡ
ಮಿತ್ತ್‌ದೆನ್ ತೂಲ ಅಂಚ
ಯೇಸುಡೊಪ್ಪ ಜೈಸುವ.
Verse 11
ಕ್ರಿಸ್ತಾ ಯಾನ್ ಬಲಹೀನೆ
ಕೊರ್ಲ ಯೆಂಕ್ ಬಲೊನು
ಈಯೇ ಶಕ್ತೆ ಯಾನ್ ದೀನೆ
ಈಯೇ ನಡಪಾವೊಡು.