Verse 1
ಪಾಪೊಗಾದ್ ನಂಕುರ್ಡಾಟ
ಉಂಡು ಸೈನೆಂಗೆ ಪೊಂರ್ಬಾಟ
ಪ್ರಾಣ ಸೋತು ಪೋವಡ.
ಅಂಧಕಾರ ಕಷ್ಟೊಳೆಡ್
ಯೇಸು ನಡಪಾವುನೆಟ್
ಧೈರ್ಯ ಆದ್ ನಂಬುಲ.
Verse 2
ಆಯೆ ನಿನನ್ನಡಪಾವೆ
ಎಡ್ಡೆ ಮಾರ್ಗಲಾ ತೋಜಾವೆ
ಅನುಮಾನ ಮಳ್ಪಡ.
ಯೇಸು ನಿನ ಕೈ ಬುಡಯೆ
ಪ್ರಾರ್ಥನೆಡ್ ಉರ್ಡುನಾಯೆ
ಜಯ ತೂವೆ ನಿಶ್ಚಯ.
Verse 3
ಕಷ್ಟೊಳೆಡ್ ತಡೆವೊಣ್ಲ
ಭಂಙ ಹೆಚ್ಚುನಗ ಅರ್ಲ
ಆಂಡ ನಂಬೊಣ್ದುಪ್ಪುಲ
ಸ್ವಾಮಿ ಪ್ರೀತಿದಾಯೆ ಆದ್
ಮಾತ ನಿನ ಎಡ್ಡೆಗಾದ್
ಮಳ್ಪೆ ಆಶೆ ಬುಡಡ.
Verse 4
ಕಣ್ಣ್ ಮುಚ್ಚಿದಾಯ ಮಿತ್ತ್
ನಂಬಿಗೆದ ದೃಷ್ಟಿ ದೀದ್
ನಿತ್ಯತ್ವೊನು ಎಣ್ಣೊಣ್ಲ.
ಯೇಸು ದಂಗ್ ಶಕ್ತಿದವು
ಆಯ ಚಿತ್ತ ಪೂರ್ತಿ ಆವು
ಭರವಸ ಮಳ್ತೊಣ್ಲ.
Verse 5
ದೇವೆರೆಡ್ ಶಾಂತ ಆದ್
ಆಯೆ ಕೊರಿ ವಾಕ್‍ಗಾದ್
ನಂಬೊಣ್ದುಪ್ಪು ಯೇಪಲಾ.
ಆಯೆ ಕೆಣುವೆ ಕಡೇಕ್
ನಂಬುನಾಕ್ಳೆ ಪ್ರಾರ್ಥನೆಗ್
ಕೆಬಿ ಕೊರ್ಪೆ ನಿಶ್ಚಯ.
Verse 6
ಇಂಚ ದೇವಸನ್ನಿಧಾನ
ನಾಡ್ದ್ ನಿನ ಅನುಮಾನ
ಆಯ ದುಂಬು ಪಾಡ್‍ಲ
ಕಷ್ಟ ಭಂಙ ದುಃಖೊಳೆನ್
ತಾಳೊಡಾಂಡ ದೇವೆರೆನ್
ನಂಬು ಧೈರ್ಯ ಬುಡಡ.
Verse 7
ತಕ್ಕ ಕಾಲೊಡಾಯೆ ಮಾತ
ಬೊಳ್ಪು ಮಳ್ತ್‌ದಾಶೀರ್ವಾದ
ಕೊರ್ಪೆ ಜೈಸಿನಾಯಗೇ
ಉಂದೆಕಾದ್ ಕಡೆ ಮುಟ್ಟ
ಸೋತುಪೋವಂದೆ ಈ ದೃಢ
ಆಲ ಸದ್ವಿಶ್ವಾಸೊಡೇ.