Verse 1
ವಿಜೃಸುನಾಯೆ ಪರದೈಸ ಸುಖ
ಸಂತೋಷದನುಭವ ಮಳ್ಪುವೆ.
ದೂರಾವು ಔಳು ಮಾತ ಭಂಙ ದುಃಖ
ತೂಪೇವೆ ಪ್ರಿಯ ಯೇಸು ಮೋಣೆನೇ.
ಸ್ವರ್ಗದ ದಾನ ಮಹಿಮೆ ಮಾನ
ತಿಕ್ಕುಂಡು ಪ್ರಾಣಾ ಸದ್ಭಕ್ತಗೆ.
ತಿಕ್ಕುಂಡು ಪ್ರಾಣಾ ಸದ್ಭಕ್ತಗೆ.
Verse 2
ವಿಜಯ ಯೆಂಕ್ ಆಪಿಲೆಕ್ಕ ಬೋಡು
ವಿಶೇಷದ ಸಹಾಯ ಯೇಸುಡ್ದೇ.
ಇಜ್ಜಾಂಡ ಯಾನ್ ಬೇಗ ಸೋತುಪೋದು
ಸೈತಾನ ಉರ್ಲುಡೇ ತಿಕ್ಕೊಣುವೆ.
ಯೇಸೋ ಈ ದಯ ಮಳ್ಪು ಸಹಾಯ
ಪಾಪಿಗಾಶ್ರಯ ಈ ಮಾತ್ರನೇ.
ಪಾಪಿಗಾಶ್ರಯ ಈ ಮಾತ್ರನೇ.
Verse 3
ವಿಜೈಸುನಾಯನೇ ತಪ್ಪಾವೆ ಅಮ್ಮೆ
ಅಘೋರ ನರಕದ ಕಷ್ಟೊಗು.
ಸ್ವರ್ಗೀಯ ದೂತ ಸೈನ್ಯಡೊಪ್ಪ ಉಪ್ಪೆ
ಪುಗರ್ದ್ ಸ್ವಾಮಿನ್ ಉಲ್ಲಾಸೊಡು.
ಜಯಾಯಿ ಬೊಕ್ಕ ಆ ಪರಲೋಕ
ಸೇರುವೆ ಶೋಕ ಮದಪುಂಡು.
ಸೇರುವೆ ಶೋಕ ಮದಪುಂಡು.
Verse 4
ವಿಜೈಸುನಾಯಗೌಳು ಬೊಳ್ದು ಕುಂಟು
ವಿಶೇಷ ಪೊಸ ಪುದರಾಪುಂಡು.
ಕ್ರಿಸ್ತ್ಯೇಸು ಪುಸ್ತಕೊಡು ಬರೆದುಂಡು
ಐತರ್ಥ ನಿತ್ಯಜೀವ ತಿಕ್ಕುಂಡು.
ದೇವೆರೆ ದುಂಬು ಭಕ್ತೆರೆ ಗುಂಪು
ಜಯೊಕು ಹೊಂದು ಕಿರೀಟೊನು.
ಜಯೊಕು ಹೊಂದು ಕಿರೀಟೊನು.
Verse 5
ಅಶುದ್ಧ ಉಂಡು ನನ ಯೆನ ಪ್ರಾಣ
ಅನ್ಯಾಯ ಪಾಪ ಐಕ್ ರೆಂಕುಂಡು.
ಪವಿತ್ರ ಆವೆರೆ ಯೆಂಕಿಜ್ಜಿ ತ್ರಾಣ
ಕ್ರಿಸ್ತ್ಯೇಸೋ ನಿನ ದಯೊಡ್ದಾವೊಡು.
ಈ ಮಳ್ಪು ಶುದ್ಧ ಕೊರ್ಲ ಆಯುಧ
ಉಂತ್ಯೆರೆ ದೃಢ ನಿರಂತ್ರೊಡು.
ಉಂತ್ಯೆರೆ ದೃಢ ನಿರಂತ್ರೊಡು.
Verse 6
ವಿಜೈಸುನಾಯಾದುಪ್ಪೆ ಒಂಜಿಕಮ್ಮ
ಕ್ರಿಸ್ತೀಯ ಸಭೆ ಇನ್ಪಿ ಇಲ್ಲ್‌ಡೇ.
ಯೆರೂಸಲೇಮುದವು ಬೊಕ್ಕ
ಅಮ್ಮ ಪುದರ್ನ್ ಆಯ ಮಿತ್ತ್ ಬರೆಪೆ.
ಕ್ರಿಸ್ತ್ಯೇಸುನಾಯೆ ಜಾರೊಡ್ಚಿ ಆಯೆ
ನಂಬಿಗೆದಾಯೆ ಆದುಪ್ಪೊಡು.
ನಂಬಿಗೆದಾಯೆ ಆದುಪ್ಪೊಡು.
Verse 7
ಜಯಾಪಿಲೆಕ್ಕ ಯೇಸೋ ಕೈತಳುಂತು
ಸೈತಾನ ಗುಂಪು ಮಳ್ಪು ಸಾಧನೆ
ಕಠೀಣ ಯೆನ ಮಿತ್ತ್ ನಡಪುಂಡು.
ತಪ್ಪಾಲ ಕೊರ್ಲ ಯೆಂಕ್ ಸ್ವರ್ಗೊನೇ
ಔಳು ಉರ್ಡಾಟ ಭಂಙ ಅರ್ಪಾಟ
ಉಪ್ಪಂದ್ ಮಾತ ಸಂತೋಷನೇ.
ಉಪ್ಪಂದ್ ಮಾತ ಸಂತೋಷನೇ.