Verse 1
ಚಿಂತೆ ದಾಯೆ?
ದಾಯೆ ದುಃಖ?
ದೇವೆರೆ ಮಗೆನೇ
ಕೊಂಡುಬತ್ತೆ ಸುಖ.
ಆಯಗುಂಡು ಘನಪೀಠ
ಕೊರುವೆ ಮಹಿಮೆ
ಜಯತ ಕಿರೀಟ.
Verse 2
ಪುಟ್ಟಿನಾನಿ ಯಾನ್ ದಾನೆ
ಕೊಂಡತ್ತೆ್? ಸುರುಟೇ
ಬಾಲೆಗುಂಡು ದಾನೆ?
ಬೋರು ಮೆಯ್ಟ್ ಆನಿ ಬೈದೆ್
ಸೈನಗ ಸಹಿತ
ಪೋವೆ ಬಜೀ ಕೈಟೇ.
Verse 3
ಈ ಶರೀರ ಜೀವ ಪ್ರಾಣ
ಕರ್ತವೆ ಕೊರಿಯೆ
ಮಾತ ಆಯ ದಾನ.
ಆಯೆ ನಮ ಯಜಮಾನೆ
ನಂಕಾಂಡ ಆಪಗ
ಐತ ಚಿಂತೆ ದಾನೆ?
Verse 4
ಆಯೆ ಕಷ್ಟ ಕೊರ್ಪಿನಾಯೆ
ಆಂಡಲಾ ಬುಡ್ವೆನಾ?
ಆಯೆ ಪ್ರೀತಿದಾಯೆ.
ಕೊರ್ದು ದೆಪ್ಪುನೌ ನಿಶ್ಚಯ
ಎಡ್ಡೆಗೇ ಮಳ್ಪುವೆ
ಆಯಗುಂಡು ದಯ.
Verse 5
ಯಾನ್ ಸುಖದಿನೊಳೆಡ್
ಎಡ್ಡೆನೇ ಹೊಂದಿಯೆ್
ದುಃಖ ತಿನ್ಪಿನೆಟ್
ಆಯ ಶಿಕ್ಷೆ ಎಡ್ಡೆ ಆತ್ತ್
ಪಣೊಲ್ಯಾ? ಹಾಕೆನಾ
ಯೆನ ನಾಶೊಗಾದ್?
Verse 6
ಮೂಳು ಜೀವ ಆಸ್ತಿ ಮಾನ
ಪೋಂಡಲಾ ಪೋಪುಂಡಾ
ಆಳ್ತ ಸಮಾಧಾನ?
ಯಾನ್ ಈ ಪ್ರಪಂಚದೆನ್
ತೂವಂದೆ ನಂಬುವೆ್
ಯೆನ ದೇವೆರೆನ್.
Verse 7
ಕ್ರಿಸ್ತೆ ಸ್ಥಿರತಾಯೆ ಆದ್
ತೋಜೊಡು ಕಷ್ಟೊಡು
ಸದ್ವಿಶ್ವಾಸೊಗಾದ್
ಪ್ರಾಣ ಪೋಪಿ ಭಂಙೊಳೆಡ್
ಧೈರ್ಯೊಡೇ ಉಪ್ಪುವೆ
ತನ ದೇವೆರೆಡ್.
Verse 8
ಸಾವು ನಂಕ್ ಜೀವದ್ವಾರ
ಭಾಗ್ಯದ ಆರಂಭ
ಕಷ್ಟ ಪರಿಹಾರ
ನಿತ್ಯ ತೃಪ್ತಿ ಹೊಂದುನೆಕ್
ಆತ್ಮೊನು ಸೇರಾವು
ಮೋಕ್ಷಭಾಗ್ಯೊಳೆಗ್.
Verse 9
ನಿತ್ಯಾನಂದ ಶಾಂತಿ ಓಳು
ಆತ್ಮೊಗು ತಿಕ್ಕುಂಡು?
ಯೇಸು ಉಪ್ಪುನೌಳು.
ಈ ಪ್ರಪಂಚದ ಆದಾಯ
ಪೊಕ್ಕಡೆ ಆತ್ಮೊಗೇ
ಐಡ್ದ್ ಆವು ಗಾಯ.
Verse 10
ಮುಳ್ತ ಆಸ್ತಿ ಅಳಿಯುಂಡು
ಕ್ಷಣೊಟು ತಿಕ್ಕುಂಡು
ಕ್ಷಣ ಮಾತ್ರ ಉಂಡು.
ಪರಲೋಕದವು ಸತ್ಯ
ನಿತ್ಯೊಗು ಉಂತುಂಡು
ಅವ್ವೇ ಯೆಂಕಗತ್ಯ.
Verse 11
ಯೇಸೋ ನಿನಡೇ ಸಂತೋಷ
ನಿತ್ಯೊಗು ನಿನ್ನೌಳು
ಯೆಂಕ್ ಆತ್ಮ ಪೋಷ.
ಯಾನ್ನಿನ್ನಾಯೆ ಈ ಯೆಂಕಾದ್
ಜೀವಲಾ ಕೊರಿಯ
ಪ್ರಾಯಶ್ಚಿತ್ತ ಆದ್.
Verse 12
ಯಾನ್ ಪೂರ್ತಿ ಮನಸಾದ್
ನಿನನೇ ಪತ್ತೊಣ್ವೆ
ಯೇಸೋ ಉಂದೆಕಾದ್
ರಾಗ ವೈಪುವೆ್ ಹೊಸನ್ನ.
ನಿನೌಳು ಸೇರಾವು
ಕೊರ್ಲ ನಿತ್ಯ ಮನ್ನ.