Verse 1
ಯೆಹೋವೆನೇ
ಯಥಾರ್ಥ ನಂಬಿಗೆ
ತೋಜಾವೆ ಯೇಪಲಾ.
ಈ ನಂಬಿಗೆ
ಯೆಂಕಾಪಿ ಭಂಙೊಡೇ
ಕೊರ್ಪುಂಡು ಆಶ್ರಯ
ಈ ಭೂಮಿಲೋಕ ಆದ್‍ರುಂಡು
ಯೆನ ವಿಶ್ವಾಸ ಸ್ಥಿರ ಉಂಡು
ಯೆಹೋವಡೇ.
Verse 2
ಯೆಹೋವೆನೇ
ಎಡ್ಡೆಂತಿ ಸ್ನೇಹಿತೆ
ಆಯನ್ ನಂಬುವೆ್.
ಅಂದಾಯೆನೇ
ಕುಯುಕ್ತಿ ಮೋಸೊಡ್ದೇ
ಯೆನನ್ ತಪ್ಪಾದೆ.
ವಿರೋಧ ಕಷ್ಟಕಾಲೊಳೆಡ್
ವಿಶ್ವಾಸದ ಪರೀಕ್ಷೆಳೆಡ್
ಕೈ ಬುಡಯೆ.
Verse 3
ಯೆಹೋವೆನೇ
ವಾಗ್ದತ್ತ ಮಾತಲಾ
ಪುರೈಸೆ ನಿಶ್ಚಯ.
ಸನ್ಮಾರ್ಗೊಡು
ಇಕ್ಕಟ್ಟ್ ಆನಗ
ಯೆಂಕಾಯೆ ಆಧಾರ.
ಯೆಹೋವೆ ಪೂರ್ತಿ ಸತ್ಯದಾಯೆ
ಮನುಷ್ಯ ಲೆಕ್ಕನೇ ಮಳ್ಪಯೆ
ಯೇನಿಗ್‍ಲಾ.
Verse 4
ಯೆಹೋವೆನೇ
ಬೋಡಾಪಿ ಮಾತೆನ್ಲಾ
ಕೊರೊಣ್ದು ಬರುವೆ.
ಆಪತ್ತ್‌ನ್ಲಾ
ಯೆನ ಸುಶಿಕ್ಷೆಗೇ
ಯೆಂಕಮ್ಮೆ ಕೊರಿಯೆ.
ತಾಳೊಣು ಬಲ ಕೊರ್ಪೆ ಆಯೆ
ವಿಶ್ವಾಸೊನು ಪುಟ್ಟಾವುನಾಯೆ
ಯೆಹೋವೆನೇ.
Verse 5
ಯೆಹೋವೆನೇ
ಪಾಪಾತ್ಮ ವಂಶೊನು
ಉದ್ಧಾರ ಮಳ್ತ್‌ದೆ.
ಕ್ರಿಸ್ತ್ಯೇಸುವೇ
ನಂಕಾದ್ ಭಂಙೊನು
ಸಾವುನು ತಾಳಿಯೆ
ಉಂದೆಡ್ದ್ ಪೋಂಡು ಮಾತ ಶಾಪ
ಸಂದಾಯ ಆಂಡ್ ಮಾತ ಪಾಪ
ಈ ಯಜ್ಞೊಡ್ದೇ.
Verse 6
ಯೆಹೋವೆನೇ
ಭೂಪರಲೋಕೊಡು
ಉದ್ಧಾರಕರ್ತವೆ.
ಆಯ್ಯೆನನೇ ಆನಂದ ಬೊಳ್ಪಗು
ಲೆತ್ತೊಣ್ದು ಕಾಪುವೆ.
ಭ್ರಷ್ಟಾಯಿನಾಕ್ಳೆ ನಿತ್ಯಾಶ್ರಯ
ಮೇಲ್ಲೋಕದಾಶೆದಾಕ್ಳೆ ಜಯ
ಯೆಹೋವೆನೇ.
Verse 7
ಯೆಹೋವೆನೇ
ಯಥಾರ್ಥ ನಂಬಿಗೆ
ತೋಜಾವೆ ನಿತ್ಯೊಗು.
ಈ ನಂಬಿಗೆ
ಓ ಪ್ರಾಣಾ ಬುಡಂದೆ
ಗಟ್ಟ್ಯಾದ್ ಮಳ್ತೊಣು
ಉರ್ಡಾಟ ಆಂಡ ಸ್ಥಿರ ಉಂತು
ವಿಜಯ ಹೊಂದಿ ಬೊಕ್ಕ ತಿಕ್ಕು
ಸುಭಾಗ್ಯನೇ.