Verse 1
ಈ ನಿನ ಮಾರ್ಗೊಳೆನ್
ನಿಕ್ಕುಪ್ಪು ಕಷ್ಟೊನು
ಪ್ರಯಾಸ ಚಿಂತೆಳೆನ್
ಸ್ವಾಮಿಗ್ ಪಂಡೊಣು.
ಮುಗಲ್ ಗಾಳಿಳೆಗ್
ತೋಜಾವೆ ಮಾರ್ಗೊನೇ
ಅವ್ವೇ ಪ್ರಕಾರ ನಿಕ್ಕ್
ಮಳ್ಪಂದೆ ಕುಳ್ಳಯೆ.
Verse 2
ಸಂಪೊತ್ತು ಆವೊಡಾಂಡ
ಸ್ವಾಮಿನ್ ನಂಬೊಡು
ಸ್ವಕಾರ್ಯ ಉಂತೊಡಾಂಡ
ಆಯನ್ ತೂವೊಣು.
ಈ ಮಳ್ಪು ಮಾತ ಕಷ್ಟ
ಆಯಡ ನಟ್ಟಂದೆ
ವ್ಯರ್ಥಾದ್ ಪೋವು ಸ್ಪಷ್ಟ
ಮಳ್ಪೇಲ ಪ್ರಾರ್ಥನೆ.
Verse 3
ನಿನತಿಶ್ರೇಷ್ಠ ಲಕ್ಷ
ಅಮ್ಮಾ ಈ ವಂಶೊಗು
ಬೋಡಾಪಿ ಶಿಕ್ಷಾರಕ್ಷ
ಸಮಾದ್ ತೂಪುಂಡು.
ನಿರ್ಣಯ ಮಳ್ತಿ ಕಾರ್ಯ
ಮುಟ್ಟಾವ ಕೊಡಿಕೇ.
ಈ ಆಳುವ ಆಶ್ಚರ್ಯ
ಪುಟ್ಟಾವು ತರೊಟೇ.
Verse 4
ಬರ್ಪಿಂಚಿ ಭಂಙೊಳೆಡ್
ಉಪಾಯ ಮಳ್ಪುವ
ತೋಜಂದಿ ಸಾದಿಳೆಡ್
ಈ ಕಡ್ಡಿ ತೂಪಾವ.
ನಿನ್ನಾಕ್ಳೆ ಎಡ್ಡೆಗಾದ್
ಏತೋ ವಿಚಿತ್ರದ
ಸಹಾಯೊನು ತೋಜಾದ್
ಈ ನಡಪುಡುವ.
Verse 5
ಈ ಪ್ರಿಯ ಸ್ವಾಮಿ ಮಿತ್ತ್
ನಿಕ್ಕಾಪಿ ಭಂಙೊಡು
ವಿಶ್ವಾಸ ದೃಷ್ಟಿ ದೀದ್
ನಿರ್ಭಯೊಡುಪ್ಪೊಡು.
ಈ ಒಂತೆ ಮಾತ್ರ ಕಾಪು
ಬೋಡಾಪಿ ಕಾಲೊಡೇ
ಪಾರಾವೆ ಮಾತ ಮಪ್ಪು
ಮೂಡಾವೆ ಸೂರ್ಯನೇ.
Verse 6
ನಿಕ್ಕೀತ್ ಚಿಂತೆ ದಾಯೆ?
ಉಂದೆನ್ ದೀವೊಣ್ದೇ
ಕಂಗಾಲ್ ಆಯಿನಾಯೆ
ಆದುಳ್ಳ ನಿಜನೇ.
ಲಕ್ಕಾಲ ನಿನ ತರೆ
ಈ ಬುಡ್ಲ ದುಃಖೊನೇ
ಯಹೋವೆ ಉಳ್ಳೆ ಖರೆ
ಪ್ರಪಂಚೊನಳುವೆ.
Verse 7
ಈ ಬಲು ಇತ್ತಿ ಪ್ರಭು
ವಿವೇಕೊಡಾಳುವೆ
ಒಂಜಾಂಡ್ಲಾ ಎಲ್ಲ್ಯ ತಪ್ಪು
ಯೇಪಲಾ ಮಳ್ಪುಜೆ.
ನಿನಡ್ದಾವಂದಿನೆನ್
ಈ ಮಲ್ಲ ಶೂರೆನೇ
ಸರ್ವಾಧಿಕಾರಿ ಎಣ್ಣ್
ಸಾಗಾವೆ ಕ್ಷಣೊಟೇ.
Verse 8
ಐಕಾದ್ ದೇವಬಾಲೆ
ಉಲ್ಲಾಸೊಡುಪ್ಪುಲ
ಕಡೇಕ್ ಜಯಮಾಲೆ
ತಿಕ್ಕುಂಡು ನಂಬುಲ.
ನಿನಮ್ಮೆನೇ ಕಿರೀಟ
ಕೊರ್ಪಾವೆ ಸ್ವರ್ಗೊಡು
ಮಳ್ಪೇವ ಈ ಕೊಂಡಾಟ
ಆ ಸಭೆತೊಟ್ಟುಗು.