Verse 1
“ಯಾನ್ ಉಳ್ಳೆ್” ಚಂಚಲಾತ್ಮ
ದಾಯೆ ದುಃಖ ಮಳ್ಪುವ?
“ಯಾನ್ ಉಳ್ಳೆ್” ನಿಕ್ಕ್ ದಾಲಾ
ಒಂಜಿ ಕುಂದೆಲುಪ್ಪೊಲ್ಯಾ?
ನಿನ ಕಷ್ಟ ಕಾಲೊಡ್ಲಾ
“ಯಾನ್ ಉಳ್ಳೆ್” ನಂಬುಲ.
Verse 2
“ಯಾನ್ ಉಳ್ಳೆ್” ಸುತ್ತ ಮುತ್ತ
ಮಾತ ಮಪ್ಪು ಆಂಡಲಾ
“ಯಾನ್ ಉಳ್ಳೆ್” ಭಂಙ ಕುತ್ತ
ಯೆನನ್ಯೇಪ ಬುಡ್ಪುಂಡಾ
ಅಂದ್‍ದರ್ಪಿ ರಾತ್ರೆಡೇ
ನಿಕ್ಕ ಪ್ರೀತಿ ತೋಜಾವೆ್.
Verse 3
“ಯಾನ್ ಉಳ್ಳೆ್” ಅನುಮಾನ
ಬುಡು ಮಿತ್ತ್ ತೂವೊಣ್ಲ.
“ಯಾನ್ ಉಳ್ಳೆ್” ಸಮಾಧಾನ
ಯೆನಡ್ ಈ ದೆತ್ತೊಣ್ಲ.
ಧೈರ್ಯೊಡುಪ್ಪು ಯೆನಡೇ
ಯಾನ್ ಕಡೆ ಮಳ್ಪುವೆ್.
Verse 4
“ಯಾನ್ ಉಳ್ಳೆ್” ಯೆನ ಚಿತ್ತ
ನಿಕ್ಕ್ ಈಯೌ ತೋಜುಜಾ?
“ಯಾನ್ ಉಳ್ಳೆ್” ಪಂಡಿಲೆಕ್ಕ
ಪೂರ್ತಿ ಮಳ್ಪೆ್ ಮಾತೆನ್ಲಾ
ಉಂಡು ಲಾಭ ಮಾತೆಟ್
ಯೆನ ಪ್ರೀತಿದಾಯಗ್.
Verse 5
“ಯಾನ್ ಉಳ್ಳೆ್” ನಿನಡೊಪ್ಪ
ಸುಖದುಃಖ ಕಾಲೊಡು.
“ಯಾನ್ ಉಳ್ಳೆ್” ಕಡೆ ಮುಟ್ಟ
ಆದರಿಪೆ್ ಕಾತೊಣ್ದು.
ಮಳ್ಪೆ ಮಾತ ಕತ್ತಲೆ
ಬೊಳ್ಪು ಆದ್ ಪೋವೆರೆ.
Verse 6
“ಯಾನ್ ಉಳ್ಳೆ್” ಯೆನ ದಿನ
ಆಶ್ಚರ್ಯದ್ ಬರ್ಪುಂಡು
ಈಲಾ ಉಪ್ಪು ಬೊಕ್ಕ ನಿನ
ಕಷ್ಟ ಮಾತ ಪೋಪುಂಡು.
ನಿತ್ಯ ಭಾಗ್ಯದಾನಂದ
ಅನುಭವಿತೊಣ್‍ಂಬ.