Verse 1
ಕ್ರಿಸ್ತ್ಯೇಸೋ ಯೆಂಕ್ಳೆ ಪಾಪೊಗಾದ್
ಕಠೀಣ ಸಾವು ತಾಳೊಂಡ.
ಪಾಪಿಳೆ ಪುಣೆಗಾರೆ ಆದ್
ಸಂಕಷ್ಟ ಶ್ರಮೆ ಪಡೆಯ.
ಸರ್ವಾಪರಾಧ ಶಾಪಲಾ
ಈ ನಿನ ಮಿತ್ತ್ ದೆತ್ತೊಂಡ.
Verse 2
ಯೆಂಚಿತ್ತಿ ದಯ ಏತೋ ಪ್ರೀತಿ
ತೋಜಾಯ ಕಡೇ ಮುಟ್ಟಲಾ.
ನಿನ್ನಾಕುಳು ಐತ ನಿಜ ಸ್ಥಿತಿ
ನೆನೆಪುಲೆಕ್ಕ ಮಳ್ತ್‌ದ.
ಈ ರೊಟ್ಟಿ ದ್ರಾಕ್ಷೆರಸೊಟು
ಸ್ಥಾಪಿಸ್ಯ ದಿವ್ಯ ದಾನೊನು.
Verse 3
ಈ ಜೀವರೊಟ್ಟಿ ಜೀವಪಾನ
ಪಟ್ಟೇವ ನಿನ ಜನೊಕು.
ಉಂದೆಟ್ ನಿನ ಸಮಾಧಾನ
ಹೆಚ್ಚೆಚ್ಚ ಕೊರ್ದು ಲೋಕೊಡು
ಪ್ರಯಾಣ ತೀರು ಮುಟ್ಟಲಾ
ನಿನೈಕ್ಯೊಡೇ ಈ ಕಾಪುವ.
Verse 4
ಉಂದೆಡ್ದ್ ಪೋಸ ಜೀವ ಬಲ
ಕೊರ್ದು ಉದ್ಧಾರ ಮಳ್ಪುವ.
ಅಪಗ ನಿನ ಶ್ರಮಾಫಲ
ಯೆಂಕ್ಳೆಡ್ ತೋಜು ಯೇಪಲಾ.
ಈ ನೆಕ್ಕ್ ಸಾದಿ ತೋಜಾಲ
ಅಂತ್ಯಾನೆಂಗೆ ಕೈ ಬುಡಡ.
Verse 5
ಕ್ರಿಸ್ತ್ಯೇಸೋ ಜೀವಕಾಲ ಮಾತ
ಉಂದೆನ್ ನೆಂಪು ಮಳ್ಪುವ.
ಐಕಾದ್ ಯೆಂಕುಳೆನ್ ದೀತ
ನಿಕ್ಕಾದ್ ಮಾತ್ರ ಬದ್‍ಕ.
ಉಂದೆಕ್ ಶಕ್ತಿ ಸಾಮರ್ಥ್ಯ
ಈ ಕೊರ್ದು ನಡಪುಡುಲ.