Verse 1
ಪಶ್ಚಾತ್ತಾಪ ಇತ್ತಿನಾಯಾ
ನಿಕ್ಕ್ ಯೇಸುಡೇ ಆಶ್ರಯ.
ಆಯ ಮೇಜಿ ಕೈತಡೆಗ್
ಬಲ್ಲ ಔಳು ಪಾಪಿಳೆಗ್.
ಜೀವವಸರುಂಡು ಆಯೆ
ನಿಕ್ಕ್ ತೃಪ್ತಿ ಕೊರ್ಪಿನಾಯೆ.
ತಿನ್ಲ ಪರ್ಲ ಈ ಆಹಾರ
ನಿಕ್ಕ್ ಯೇಪಲಾ ಆಧಾರ.
Verse 2
ಅಂದ್ ಯೇಪಲಾ ಸಹಾಯ
ನಟ್ಟೊಣ್ಣಗ ಆಯೆ ದಯ.
ಮಳ್ಪೆ ಯೆಂಕ್ ಭಯ ದಾಯೆ?
ಆಯೆ ಆದರಿಪುನಾಯೆ.
ಅಂತ್ಯ ಮುಟ್ಟ ನಡಪಾವೆ
ನಿತ್ಯ ರಕ್ಷಣೆ ತೋಜಾವೆ.
ಆಯ ಕ್ರುಸ್ಸು ಶ್ರಮೆ ಗಾಯ
ಉಂದೇ ಯೆನ ಮಲ್ಲಾಶ್ರಯ.
Verse 3
ನೀಚ ಪಾಪಿ ಆಯಿ ಯಾನ್
ಯೆನ ಪ್ರಿಯ ರಕ್ಷಕನ್
ಪತ್ತೆ್ಯ್ ಈ ವಿಶ್ವಾಸೊಗಾದ್
ಜೀವ ತಕ್ಕಂಡ್ ನಿಜಾದ್.
ಹೊಸಿಯನ್ನಾ ಸಮಾಧಾನ
ಹಲ್ಲೆಲೂಯ ನಿತ್ಯ ಮಾನ
ಯೆಂಕ್ ಉಂಡು ಈ ಸಂತೋಷ
ಶೆಟ್ಟಾವಂದ್ ಲೋಕದೋಷ.
Verse 4
ಯೆನ ಬಲಹೀನೊಗಾದ್
ಲೋಕ ಯೆನನ್ ಸೋಪಾದ್
ಮನಸ್‍ದ ಸಮಾಧಾನ
ತಪ್ಪಾವುಂಡ ಆಂಡ ನನ
ಯೇಸು ಯೆನ ಯಜಮಾನೆ
ಶಾಂತಿಕೋಲುಡು ಯೆನನ್
ನಡಪಾದ್ ಕೊರ್ಪೆ ದಯ
ಆಯಡೇ ಯೆಂಕುಂಡು ಜಯ.
Verse 5
ನಿಕ್ಕ್ ಸ್ತುತಿ ನಿತ್ಯ ಪ್ರೀತಿ
ನಿನ ದಯ ನಿನ ನೀತಿ.
ಯೆನ ಅಪನಂಬಿಗೆನ್
ಮಾತ ಪಾಪಕರ್ಮೊಳೆನ್.
ಮುಚ್ಚುಂಡು. ಸರ್ವಾಪರಾಧ
ಲೋಕದನವತ ಮಾತ.
ತುಂಬೊಣ್ದಿತ್ತಿ ಯೇಸು ಪ್ರೀತಿ
ಸೈಪಿ ಮುಟ್ಟ ಯೆನ ನೀತಿ.
Verse 6
ಶುದ್ಧ ರೊಟ್ಟಿ ನಿಶ್ಚಯಾದ್
ಐಟ್ ಯೇಸು ಯಜ್ಞ ಆದ್.
ಪೊಲ್ತಿ ಆಯನೌ ಶರೀರ
ಉಂದೇ ಯೆಂಕ್ ದಿವ್ಯಾಹಾರ.
ಯೆನ ಸುಖೊಕು ಬೋಡಾದ್
ಆಯೆ ತಾಳೊಣ್ದಿತ್ತೆ ಆತ್
ಕಷ್ಟ ಶ್ರಮೆ ಹೊಸಿಯನ್ನಾ
ಯೆಂಕ್ ಇತ್ತೆ ಸಮಾಧಾನ.
Verse 7
ಜೀವ ಕೊರ್ಪಿ ನಿಜ ಪಾನ
ಅಪರೂಪ ಆತ್ಮದಾನ.
ಯೇಸು ರಕ್ತ ನಿಶ್ಚಯಾದ್
ಐಟ್ ಪರ್ಪೆ ಉಂದೆಕಾದ್.
ಹೊಸಿಯನ್ನಾ ಸಮಾಧಾನ
ಹಲ್ಲೆಲೂಯ ನಿತ್ಯ ಮಾನ.
ಯೆಂಕ್ ಆಂಡ್ ಲೋಕದೋಷ
ಶೆಟ್ಟಾವಂದ್ ಈ ಸಂತೋಷ.
Verse 8
ಇತ್ತೆ ಯೆನ ಅಭಿಲಾಷೆ
ಪೂರ್ತಿ ಆಂಡ್ ಮಾತ ಆಶೆ.
ಯೇಸು ಮಿತ್ತೇ ದೃಢ ಆದ್
ಆಯ ಮಿತ್ತೇ ದೃಷ್ಟಿ ದೀದ್.
ತೂಯಿ ತೂಯಿನಾತ್ ಹೆಚ್ಚ
ಉಪಕಾರ ಸ್ತುತಿ ನಿಚ್ಚ
ಮಳ್ಪೆ್ ಯೆನ ಯೇಸು ದಯ
ಯೆಂಕ್ ಮಾತೆಟ್ ಸಹಾಯ.
Verse 9
ನನ ದಾಲಾ ಒಂಜಿ ಕಷ್ಟ
ಚಿಂತೆ ದುಃಖ ಭಂಙ ನಷ್ಟ.
ಬಲಹೀನ ಅಪಮಾನ
ಆಂಡಲಾ ಈ ಮಲ್ಲ ದಾನ.
ತೂದು ಯೇಸು ಅವತಾರ
ಸಾವು ಜಯಸಮಾಚಾರ.
ಯೆಂಕಾದುಂಡು ಇನ್ಪಿ ವಾಕ್ಯ
ಪತ್ತೊಣ್ದುಳ್ಳೆ್ ಐಟೇ ಭಾಗ್ಯ.