Verse 1
ಓ ಪ್ರಿಯ ಯೇಸೋ ಯೆನ ಪ್ರಾಣ
ನಿನುಪಕಾರ ಎಣ್ಣುಂಡು.
ಈ ಯೆಂಕ್ ಮಳ್ತ ಮಲ್ಲ ದಾನ
ಯೆಂಕಾದ್ ಬುಡ್ತ ಜೀವೊನು.
ಉಂದೆನ್ ನೆನೆತೊಣುದೇ
ನಿಕ್ನನ ದುಃಖ ಕೊರಯೆ್.
Verse 2
ಯಾನಿತ್ತೆ ತಿಂದ್ ಜೀವ ರೊಟ್ಟಿ
ಪವಿತ್ರ ಪಾನ ಪರಿಯೆ್.
ಏತೋ ಸಂತೋಷ ನಿಜ ತೃಪ್ತಿ
ಯೆಂಕಾಂಡ್ ನಿಕ್ಕೇ ಬಾಳುವೆ್.
ಈ ವಾಕ್ ಕೊಡಿಮುಟ್ಟಾವು
ಸಾಮರ್ಥ್ಯ ಯೆಂಕ್ ಕೊರೊಡು.
Verse 3
ಈ ಯೆನ ಪ್ರಾಣೊಗು ಬೋಡಾದ್
ಪಡೆಯಿ ಕಷ್ಟ ಯೇಪಲಾ.
ಮದಪಂದೆ ಉಪ್ಪುನೆಕಾದ್
ಯೆನನ್ ಎಚ್ಚರಿಪುಲಾ.
ಸದ್ಭಕ್ತೆ ಎಡ್ಡೆ ಕ್ರಿಯೊಡ್ದು
ವಿಶ್ವಾಸೊನು ತೋಜಾವೊಡು.
Verse 4
ಯೆಂಕಾಯಿ ಯುದ್ಧ ಶೋಧನೆಡ್
ಪ್ರಪಂಚದ ಉದ್ಯೋಗೊಡು.
ಯೋಗ್ಯಾದ್ ಯಾನ್ ಉಂತುನೆಕ್
ಸಹಾಯ ಈಯೇ ಮಳ್ಪೊಡು.
ಜೀವಾಂತ್ಯ ಮುಟ್ಟ ಧೈರ್ಯೊನೇ
ದಂಡ್ಯಾಲ ಪ್ರಿಯ ದೇವೆರೇ.
Verse 5
ಮೂಳಿತ್ತೆ ಒಂಜೇ ಸಭೆ ಆದ್
ಕೂಡ್ದುಪ್ಪು ಪ್ರಿಯ ಕ್ರೈಸ್ತೆರೇ.
ಈ ಭೋಜನೊಡ್ದು ಒಂಜೇ ಆದ್
ಒಟ್ಟಾಯ ಕ್ರಿಸ್ತ ಯೇಸುಡೇ.
ಐಕಾದ್ ಪ್ರೀತಿ ನೀತಿಡ್ಲಾ
ನಿತ್ಯ ಒಂಜೇ ಆದುಪ್ಪುಗ.
Verse 6
ಸಾಮರ್ಥ್ಯ ತ್ರಾಣ ಶಕ್ತಿದಾಯೆ
ಆಶಕ್ತಗ್ ಕೈಕೊರೊಡು.
ಐಶ್ವರ್ಯ ಆಸ್ತಿ ಹೊಂದಿನಾಯೆ
ತನ ಸಹೋದ್ರ ಕಷ್ಟೊನು.
ಹಗುರ ಮಳ್ತ್‌ದಿಂಚೆನೆ
ತೋಜಾವಡ್ ಈ ಮಮತೆ.
Verse 7
ಈ ಸಭೆ ಯೆಂಚ ಯೇಸುಕ್ರಿಸ್ತ
ಪುದರ್ಡ್ ಕೂಡುದುಪ್ಪುಂಡಾ.
ಅಂಚ ಬೊಕ್ಕೊಂಜಿ ಸರ್ತಿ ನಿಜ
ನಮಾಯ ಎದ್ರ್ ಉಂತುವ.
ಆ ಕಾಲೊಡುಪ್ಪು ಹರ್ಷನೇ
ಪ್ರೀತಿಡ್ ಬಾಳಿನಾಯಗೇ.