Verse 1
ಪಾಪಿಳೇ ಯೇಸು ಮಿತ್ತ್
ವಿಶ್ವಾಸದೃಷ್ಟಿ ದೀದ್
ಈ ಕಷ್ಟ ಎಣ್ಣುಲೆ.
ಪಿಂದೊಣ್ಲೆ ಸಮ ಆದ್
ಮಾತೆರೆ ಪಾಪೋಗಾದ್
ಯೆಂಚಿತ್ತಿ ಸಾವು ತಾಳಿಯೆ.
Verse 2
ವಾ ಪಾಪದ ಅಕ್ರಮ
ಬರ್ಪಾಂಡ್ ಈತ್ ಶ್ರಮ
ಆ ನೀತಿವಂತಗ್?
ತುಂಬೊಂಡೆ ಯೇರೆನವು
ಅನ್ಯಾಯ? ಕ್ರೂರ ಸಾವು
ಆಯಗ್ ದಾಯೆಗಾತ್‍ಂಡ್?
Verse 3
ಕ್ರಿಸ್ತ್ಯೇಸೋ ಉಂದು ಸ್ಪಷ್ಟ
ಈ ಕೋಲೆಕೊಟ್ಲೆ ಕಷ್ಟ
ಯೆನಪರಾಧೊಡ್ದು
ಯೆನಡ್ದ್ ಆಯಿ ಪಾಪ
ಐಕಾದ್ ಬತ್ತಿ ಶಾಪ
ನಿಕ್ಕೀತ್ ಬಂಙ ಕೊರ್ತುಂಡು.
Verse 4
ಈ ಹಾಸ್ಯ ಪೆಟ್ಟ್ ಗಾಯ
ಯೆಂಕಾಪಿನವು ನ್ಯಾಯ
ಯಾನ್ಯಾನೇ ತಿನ್ತ್ವೊಡು.
ಆಂಡ್ಲಾ ಈ ಜಾಮಿನಾತ
ಯೆಂಕುಪ್ಪು ರುಣ ಮಾತ
ಸಂದಾಯ ಮಳ್ತ ದಯೊಟು.
Verse 5
ಕರ್ತವಾ ನಿನ ಪ್ರೀತಿ
ಮಿರುಂಡು ಮಾತ ಮಿತಿ
ನಿಕ್ಕಾಯಿ ಭಂಙೊನೇ
ಈ ತಡೆವೊಂಡಿ ಬಹು
ಭಯಂಕರದ ಸಾವು
ಬುಡಂದೆ ನೆಂಪು ಮಳ್ಪುವೆ್.
Verse 6
ಅಂದಂದ್ ಯೆನ ಪಾಪ
ಇಂಚಿತ್ತಿ ಕ್ರೂರ ಶಾಪ
ಶಿಕ್ಷೆದ ನಿರ್ಣಯ
ಪುಟ್ಟಾಂಡ್ ಇನ್ಪಿ ಜ್ಞಾನ
ನಿಜಾದ್ ಯೆನ ಪ್ರಾಣ
ಎಚ್ಚರಿಪುಂಡು ಯೇಪಲಾ.
Verse 7
ಪ್ರಪಂಚ ಮಾತ ಮಾಯ
ಸ್ವಮಾಂಸದ ಸಹಾಯ
ಈ ಲೋಕದಾಶೆನೇ
ಕ್ರಿಸ್ತ್ಯೇಸು ಕ್ರುಸ್ಸುಗಾದ್
ಉಂದೆನ್ ನಿಶ್ಚಯಾದ್
ಬುಡಂದೆ ಪಗೆ ಮಳ್ಪುವೆ.
Verse 8
ಯೆಂಕುಳೆ ಜಾಮಿನಾದ್
ಈ ತಾಳಿ ಸಾವುಗಾದ್
ಕ್ರಿಸ್ತೇಸೋ ಯೆಂಕುಳೆ
ಶರೀರ ಆತ್ಮ ಪ್ರಾಣ
ವಿಶ್ರಾಂತಿ ಸಮಾಧಾನ
ಹೊಂದಡ್ ನಿತ್ಯ ಕಾಲೊಗೇ.