Verse 1
ಕ್ರುಸ್ಸುಗು ಪತ್ತಾದಿನಾಯೆ
ಯೆನ ಪ್ರಾಣದಿಷ್ಟೆನೇ.
ಲೋಕದಾಶೆ ಯೆಂಕ್ ದಾಯೆ?
ಯೆನ ಆಶೆ ಯೇಸುಡೇ.
ಯೆನ ಸತ್ಯ ನಿರ್ಣಯ
ಉಂದೇ ಕೇಣ್ಲೆ ಮಾತೆರ್ಲಾ
ಕ್ರುಸ್ಸುಗು ಪತ್ತಾದಿ ಕ್ರಿಸ್ತೆ
ಮಾತ ಯೆನ ಪ್ರಾಣದಿಷ್ಟೆ.
Verse 2
ಪ್ರೀತಿಗಾದ್ ದಿಂಜ ಕಷ್ಟ
ಚಿಂತೆ ದುಃಖ ಶ್ರಮೆಳು
ಬಡತನ ಭಂಙ ನಷ್ಟ
ಆವು ಯೆಂಕ್ ಲೋಕೊಡು.
ಪಣ್ಬೆ್ಉಂದು ಮಾತೆಟ್ಲಾ
ಮರಣೊಡು ಸಹಿತ
ಕ್ರುಸ್ಸುಗು ಪತ್ತಾದಿ ಕ್ರಿಸ್ತೆ
ಮಾತ ಯೆನ ಪ್ರಾಣದಿಷ್ಟೆ.
Verse 3
ಯೇಸುಗಾದ್ ಕಷ್ಟ ದುಃಖ
ಯೆಂಕ್ ಬರು ನಿಶ್ಚಯ.
ಆಯೆ ದಾಂತೆ ಯೆಂಕ್ ಸುಖ
ಇಜ್ಜಿ ಏತ್ ಮಾತ್ರಲಾ.
ಆಯ ಕಾರ್ ಪತ್ತಿಯೆ್
ಆಯೆ ಬುಡ್ದು ಪಾಡಯೆ.
ಕ್ರುಸ್ಸುಗು ಪತ್ತಾದಿ ಕ್ರಿಸ್ತೆ
ಮಾತ ಯೆನ ಪ್ರಾಣದಿಷ್ಟೆ.
Verse 4
ಲೋಕಲಾ ಸೈತಾನ ಬಾಣ
ಸ್ವಂತ ಇಚ್ಛೆ ಆಶೆಲಾ
ಉಂದು ಮಾತ ಜೈಸು ತ್ರಾಣ
ಯೇರ್ ಕೊರ್ಪೆ ಗೊಂತುಂಡಾ?
ಲೋಕ ಪಗೆ ಮಳ್ತ್ಂಡ್ಲಾ
ಆಯ ಪ್ರೀತಿ ನಿಶ್ಚಯ.
ಕ್ರುಸ್ಸುಗು ಪತ್ತಾದಿ ಕ್ರಿಸ್ತೆ
ಮಾತ ಯೆನ ಪ್ರಾಣದಿಷ್ಟೆ.
Verse 5
ಯೇಸು ಮೋಕೆ ಇತ್ತಿನಾಯೆ
ಲೋಕದಂತ್ಯ ಕಾಲೊಡೇ
ಆಯನೇ ನಂಬೊಂಡಿನಾಯೆ
ಆಯಿನೆಡ್ದ್ ಬದ್‍ಕೆ.
ಮಾತ ನರಪುತ್ರೆರೇ
ಈ ನಿರ್ಣಯ ಮಳ್ತೊಣ್ಲೆ.
ಕ್ರುಸ್ಸುಗು ಪತ್ತಾದಿ ಕ್ರಿಸ್ತೆ
ಮಾತ ಯೆನ ಪ್ರಾಣದಿಷ್ಟೆ.