Verse 1
ಇಂದಾ ಮಾತ ಕ್ರೈಸ್ತೆರೇ
ಯೇಸು ಕ್ರುಸ್ಸು ಕೈತಡೆಗ್.
ಪೋದು ದುಃಖ ಮಳ್ಪುಲೆ
ತೂಲೆ ಔಳು ಪಾಪಿಳೆಗ್.
ಬರೊಡಿತ್ತಿ ಶ್ರಮೆಳು
ಆಯ ಮಿತ್ತ್ ಬೂರ್ದುಂಡು.
Verse 2
ಪಿದುಕೊಣ್ಲೆ ಪಾಪಿಳೇ
ಯೇಸು ನಮ ಪಾಪೊಗಾದ್
ಶ್ರಮೆ ಸಾವು ತಾಳೊಂಡೆ
ಆಯೆ ಶಾಂತಿಬಲಿ ಆದ್
ನೆತ್ತೆರ್‌ನ್ ಗುತ್ತುದೆ
ತೂಲೆ ಆಯ ಮಮತೆ.
Verse 3
ನಂಕ್ ಅವ್ವೇ ಶ್ರಮೆಳು
ನಮ ಅಪರಾಧೊಗಾದ್
ಶಿಕ್ಷೆ ಆದ್ ಬೈದ್ವೊಡು.
ನಂಕ್ ಉಪ್ಪು ಪಾಪದಾತ್
ರುಣೊಳೆನ್ ಕರ್ತವೆ
ನ್ಯಾಯ ಆದ್ ಕೇಣುವೆ.
Verse 4
ಯೇಸುನವು ರಕ್ಷಣೆ
ಮಾತೆರೆಗ್ ತಯಾರುಂಡು.
ನಂಕ್ ಪಾಪ ಮಳ್ಪೆರೆ
ದಾಯೆಗೀತ್ ಮನಸುಂಡು?
ತೂಲೆ ನಮ ರಕ್ಷಕೆ
ಏತ್ ಪ್ರೀತಿ ಮಳ್ತ್‌ದೆ?
Verse 5
ಕ್ರಿಸ್ತ ಯೇಸೋ ನಿನ್ನವೇ
ಯೆನ ಜೀವ ಯೆನ ಪ್ರಾಣ.
ಯೆಂಕ್ ಮಲ್ಲ ರಕ್ಷಣೆ
ಮಳ್ತಿನಾಯೆ ನಿಕ್ಕ್ ಮಾನ.
ಸ್ತುತಿ ಸ್ತೋತ್ರ ಆವೊಡು
ಭೂಮಿಪರಲೋಕೊಡು.