Verse 1
ನಿಕ್ಕ್ ಯೆಂಚ ಸ್ತೋತ್ರ ಸ್ತುತಿ
ಕೊರೊಲಿ ಓ ಕರ್ತವಾ?
ಐಕ್ ತಕ್ಕ ತ್ರಾಣ ಬುದ್ಧಿ
ಯೆಂಕ್ ಇಜ್ಜಿ ನಿಶ್ಚಯ.
ನಿನ ಪ್ರೀತಿದ ಐಶ್ವರ್ಯ
ಅಮ್ಮಾ ಮಾತೆರೆಗಾಶ್ಚರ್ಯ.
ಸಾರ ಸಾರ ಸರ್ತಿಯೇ
ನಿಕ್ಕ್ ಸ್ತೋತ್ರ ಮಳ್ಪುವೆ್.
Verse 2
ನಿನ ದಯ ನಿನ ನೀತಿ
ನಿನ ಸತ್ಯ ನಂಬಿಗೆ
ನಿನ ಮಿತಿದಾಂತಿ ಪ್ರೀತಿ
ನಿತ್ಯ ನೆನೆತೊಣುವೆ್
ಯೆನ ಆತ್ಮ ಯೆನ ಅಂಗ
ನಿನ ದಯತ ಪ್ರಸಂಗ.
ಸಾರ ಸಾರ ಸರ್ತಿಯೇ
ನಿಕ್ಕ್ ಸ್ತೋತ್ರ ಮಳ್ಪುವೆ್.
Verse 3
ತಪ್ಪು ಪಾಪ ಮೋಸೊಳೆಡ್
ಯಾನ್ ಪೂರ್ತಿ ಮುರ್ಕಿಯೆ್
ನಿನ ಕನಿಕರೊಳೆಡೆ
ಅತಿ ಹರ್ಷ ಮಳ್ಪುವೆ್.
ಅಮ್ಮಾ ನಿನ ಮಲ್ಲ ದಯ
ಯೆನ ಬಲ ಯೆನ ಜಯ.
ಸಾರ ಸಾರ ಸರ್ತಿಯೇ
ನಿಕ್ಕ್ ಸ್ತೋತ್ರ ಮಳ್ಪುವೆ್.
Verse 4
ಗಡಿ ಮಿತಿದಾಂತಿ ಪ್ರೀತಿ
ಯೆಂಕ್ ಈ ತೋಜಾಯನೇ
ಯೆಲ್ಲಿಡ್ದಿಂಚಿ ಉಂದೇ ರೀತಿ
ಅಲ್‍ಂಭವ ಮಳ್ತೊಂಡೆ್.
ಇನಿ ಮುಟ್ಟ ಈ ಸಹಾಯ
ಮಾತ ಕಷ್ಟೊಳೆಡಾಶ್ರಯ.
ಸಾರ ಸಾರ ಸರ್ತಿಯೇ
ನಿಕ್ಕ್ ಸ್ತೋತ್ರ ಮಳ್ಪುವೆ್.
Verse 5
ಯೆನ ಆತ್ಮದ ಪರೀಕ್ಷೆ
ನಡಪು ಆ ಕಾಲೊಡೇ
ಒರ ಪ್ರೀತಿ ಒರ ಶಿಕ್ಷೆ
ಅನುಭವ ಮಳ್ತೊಂಡೆ್.
ಯೆನ ವಿದ್ಯಮಾನ ಮಾತ
ನಿನ ದಯತ ಪ್ರಸಾದ.
ಸಾರ ಸಾರ ಸರ್ತಿಯೇ
ನಿಕ್ಕ್ ಸ್ತೋತ್ರ ಮಳ್ಪುವೆ್.
Verse 6
ಅಮ್ಮಾ ಯೆಸು ಕ್ರಿಸ್ತಗಾದ್
ದಿಂಜ ಪ್ರೀತಿ ಮಳ್ತ್‌‌ದ
ಯಾನ್ ಬಡ ದಾಸೆ ಆದ್
ಐಕ್ ಯೋಗ್ಯದಾಯೆನಾ?
ಅತ್ತೇ ಅತ್ತ್ ತತ್ತಿನಾಯೆ
ನೀತಿ ಶೆಟ್ಟಿ ಚಾಕ್ರಿದಾಯೆ
ಯೆನ ಸ್ತುತಿ ಸ್ತೋತ್ರಲಾ
ಮಡಿ ಅತ್ತ್ ಕರ್ತವಾ.
Verse 7
ಪ್ರಿಯ ಅಮ್ಮಾ ನಿನ ಮೋಕೆ
ನಿತ್ಯ ಅನುಭವಿತೆ್
ನಿನ ದಯ ನಿನ ಜೋಕೆ
ಯೇಸೋ ಸಮ ಪಿಂದೊಂಡೆ್.
ಆತ್ಮಾ ನಿನ ಶುದ್ಧ ಕಾಂತಿ
ಯೆನ ಆತ್ಮದ ವಿಶ್ರಾಂತಿ.
ನಿಕ್ಕ್ ಸ್ತೋತ್ರ ಮಳ್ಪುವೆ್
ಓ ತ್ರಿಯೇಕ ದೇವೆರೇ.