Verse 1
ದೇವೆರೆನ ಎಡ್ಡೆತನ
ತೂನಗ ಕೊಂಡಾಡೊಡ್ಜಾ?
ಅಮ್ಮ ಲೆಕ್ಕ ತನ ಜನ
ನಡಪುಡುವೆ ಅತ್ತಾ?
ಪೂರ್ತಿ ಪ್ರೀತಿ ಪೂರ್ತಿ ದಯ
ಇನಿ ಮುಟ್ಟ ತೋಜಾಯೆ
ಭಕ್ತೆರೆನ್ ಕಾಪುವೆ
ಆಯೆ ಆಕುಳೆಗಾಶ್ರಯ.
ಮಾತಲಾ ತತ್ಕಾಲೊಗು
ದೇವಪ್ರೀತಿ ನಿತ್ಯೊಗು.
Verse 2
ಆಯೆ ಮಲ್ಲ ಪ್ರೀತಿಗಾದ್
ಯೆಂಕ್ ತನ ಮಗನೇ
ಕೊರ್ತೆ ಆಯೆ ಪುಣೆ ಆದ್
ಪರಿಹಾರ ಮಳ್ತ್‌‌ದೆ.
ತನ ಯಜ್ಞದ ಮುಖಾಂತ್ರ
ನಿತ್ಯ ತೂನು ತೆಕ್ಕಾಯೆ
ದೇವಪ್ರೀತಿ ದಯನೇ
ಪಾಪಿಜಾತಿಗ್ ನಿರಂತ್ರ
ಮಾತಲಾ ತತ್ಕಾಲೊಗು
ದೇವಪ್ರೀತಿ ನಿತ್ಯೊಗು.
ಮಳ್ತ್‌‌ದೆ
Verse 3
ಆಯೆ ಯೆನ ಆತ್ಮೊಗಾದ್
ಎಡ್ಡೆ ಚಿಂತೆ ಮಳ್ಪುವೆ
ಐತ ಸುಖೊಕು ಬೋಡಾದ್
ದಿವ್ಯ ದಾನ ಪಟ್ಟುವೆ.
ಯೆನ ಬುದ್ಧಿಡೇ ಉಪಾಯ
ಗೊಂತುದಾಂತೆ ಪೋನಗ
ಪರಿಶುದ್ಧ ಆತ್ಮೆನೇ
ಯೆಂಕ್ ಮಳ್ಪುವೆ ಸಹಾಯ.
ಮಾತಲಾ ತತ್ಕಾಲೊಗು
ದೇವಪ್ರೀತಿ ನಿತ್ಯೊಗು.
Verse 4
ಭೂಮ್ಯಾಕಾಶದವು ಮಾತ
ಸೈನ್ಯ ಯಾನ್ ತೂನಗ
ಯೆಂಕ್ ಸ್ವಾಮಿ ದಿವ್ಯ ಪಾದ
ತೋಜೊಣ್ದುಂಡು ಒರ್ಮೆಲಾ.
ಆಯೆ ಯೆನ ಸೇವೆಗಾದ್
ಮಾತ ಸೃಷ್ಟಿರಾಶಿಳು
ದೀತೆ ಯೆನ ಜೀವೊಗು
ಸರ್ವ ಕೊರ್ಪೆ ನಿಶ್ಚಯಾದ್.
ಮಾತಲಾ ತತ್ಕಾಲೊಗು
ದೇವಪ್ರೀತಿ ನಿತ್ಯೊಗು.
Verse 5
ಅಮ್ಮ ನಿನ ಎಡ್ಡೆತನ
ಮಿತಿಮೀರ ನಿಶ್ಚಯ
ನಿಕ್ಕ್ ತಕ್ಕ ಇತ್ತಿ ಘನ
ಉಂದೆಕಾದ್ ದೆತ್ತೊಣ್ಲ.
ಯಾನ್ ಮೂಳು ತೀರುನಾತ್
ಯೆನ ಜೀವ ಪೋನೆಂಗೆ
ಔಳು ನಿಕ್ಕ್ ಬುಡಂದೆ
ಸೇವೆ ಮಳ್ಪೆ್ ಪೂರ್ತಿ ಆದ್
ನಿನ ದಯ ನಾಡುವೆ್
ಪ್ರಾಣಪ್ರಿಯ ದೇವೆರೇ.