Verse 1
ಯೇಸುಡೊಪ್ಪ ಆರಂಭ
ಮಳ್ಪು ಕಾರ್ಯ ಮಾತ.
ಆಯೆ ಒದಗಾವೊಡ್ಚಾ?
ಆಯೆ ಆಶೀರ್ವಾದ
ಕಾಂಡೆ ಲಕ್ಕ್‌ನಗಲಾ
ರಾತ್ರೆ ಜೆಪ್ಪುನೆಕ್
ನಿಕ್ಕ್ ಬೋಡು ಯೇಪಲಾ
ಮಾತ ಕಾರ್ಯೊಳೆಗ್.
Verse 2
ಕಾಂಡೆ ನಿನ ಕೆಲಸ
ನಿನ ಚಿಂತೆಳೆನ್
ಮಿತ್ತ್ ತೂದು ಆರಂಭ
ಮಳ್ಪು ದೇವೆರೆನ್
ಕಾಂಡೆ ಬಯ್ಯ ಯೇಪಲಾ
ಪ್ರಾರ್ಥನೆಡ್ ನಾಡ್ಲ
ಚಿಂತೆ ದುಃಖ ಆನಗ
ಆಯ ಮಿತ್ತ್ ಪಾಡ್ಲ.
Verse 3
ಯೇಸು ನಿಕ್ಕ್ ಉಳ್ಳೆಡ
ವೈರಿಡ್ದಾವು ದಾನೆ?
ಯೇಸುನು ಈ ನಂಬುಲ
ಆಯೆ ಯಜಮಾನೆ.
ಸರ್ವ ತ್ರಾಣದಾಯೆನೇ
ಭಕ್ತೆರೆ ಪ್ರಯಾಸ
ಸುದರಿಪೆ ಆಯಡೇ
ದೀಲ ಸದ್ವಿಶ್ವಾಸ.
Verse 4
ಇಂಚ ಸುರು ಮಳ್ತಡ
ಮಾತ ಎಡ್ಡೆ ಆವು.
ಈ ಸಹಾಯ ಹೊಂದುವ
ಕಷ್ಟ ಮಳ್ಪುನವು
ವ್ಯರ್ಥ ಆದ್ ಪೋಪುಜಿ
ನಿತ್ಯ ವಾಸಸ್ಥಳ
ಉಪ್ಪುನೌಳು ಸೇರೊಲಿ
ಅವ್ವೇ ನಿಕ್ಕ್ ಫಲ.
Verse 5
ಯೆನ ಕಾರ್ಯ ಮಾತೆನ್ಲಾ
ಯೇಸೋ ನಿನ ಕೈಕ್
ಒಚ್ಚಿ ಕೊರ್ಪೆ ಯೇಪಲಾ.
ನಿನ ಚಿತ್ತದೈಕ್
ಮೆಚ್ಚೊಣ್ದುಳ್ಳೆ ಸ್ವಾಮಿಯೇ
ಆಮೆನಿನ್ಪಿನವು
ವಾಕ್ಯ ಕೊರ್ಲ ಬುಡಂದೆ
ಯೆನನ್ನಡಪಾವು.