Verse 1
ಸರ್ವ ಲೋಕ ನಡಪಾವು
ಪರಿಶುದ್ಧ ದೇವೆರೇ
ಇರ್ಲ್ ಪಗೆಲಾಪಿನವು
ನಿನ ಕ್ರಮ ತಪ್ಪಂದೆ
ಸೂರ್ಯ ಚಂದ್ರ ಬೊಳ್ಳಿಳು
ಮೂಡುವ ಆಕಾಶೊಡು.
Verse 2
ಮಾತ ಉಂಡು ಜೋಕೆ
ಆದ್ ನಿನ ಸರ್ವತ್ರಾಣೊಡು
ಅಮ್ಮಾ ಯೆನ ಪ್ರಾಣೊಗಾದ್
ಏತೋ ದಯದಾನೊನು
ನಿನ ಕೈಡ್ದ್ ಹೊಂದಿಯೆ
ನಿಕ್ಕ್ ಸ್ತೋತ್ರ ಮಳ್ಪುವೆ್.
Verse 3
ಪೋಯಿ ರಾತ್ರೆ ಮಾತ ದುಃಖ
ಭಂಙ ಕಷ್ಟ ಶೋಧನೆ
ದೂರ ಮಳ್ತ ಯಾನ್ ಸುಖ
ಆದ್ ಇತ್ತೆ ಲಕ್ಕಿಯೆ.
ಪಾಪೊಗಾದ್ ತಕ್ಕದ ಶಿಕ್ಷೆ
ಯೆಂಕ್ ಕೊರ್ತ್‍ಜ.
Verse 4
ರಾತ್ರೆ ಪೋದು ಸೂರ್ಯೋದಯ
ಆಯಿಲೆಕ್ಕ ಕರ್ತವಾ
ಪಾಪರಾತ್ರೆದ ಅಪಾಯ
ಪರಿಹಾರ ಮಳ್ಪುಲ.
ನಿನ ದಯತಾಶ್ರಯ
ಯೆಂಕ್ ಕೊರ್ಲ ರಕ್ಷಕಾ.
Verse 5
ನಿನ ಚಿತ್ತದ ಪ್ರಕಾರ
ಯೆನನ್ನಡಪುಡೊಡು.
ಈಯೇ ಮಾತ್ರ ಯೆಂಕಾಧಾರ.
ಕಾಯ ಆತ್ಮ ಪ್ರಾಣೊನು
ನಿನ ವಶ ಕೊರಿಯೆ್
ಪೂರಾ ನಿಕ್ಕ್ ಸೇರ್‌ದೆ್.
Verse 6
ಪರಮಾತ್ಮ ಲೋಕತಂತ್ರ
ಪರ ವೈರಿಮೋಸೊನು
ಸ್ವಂತ ಮಾಂಸದ ಅಭ್ಯಂತ್ರ
ದೂರ ಮಳ್ಪು ದಯೊಟು
ಯೆನನೀಯೇ ಕಾಪಂದೆ
ಪೋತ್ವಡ ಯಾನ್ಬೂರ್‌ದ್ವೆ್.
Verse 7
ಮುಳ್ತ ಯೆನ ಕಾರ್ಯೊಗಾದ್
ಒರ ಲೆಖ್ಖ ಕೇಣುವ.
ಯೇಸೋ ಯೆನನುಂದೆಕಾದ್
ಪೂರ್ತಿ ಎಚ್ಚರಿಪುಲ.
ಇಂಚ ಯಾನ್ ಸೈನೆಂಗೆ
ನಂಬಿಗೆಡ್ ನಡಪೆ್.
Verse 8
ಯೆಂಕ್ ದೂತೆರೆ ಸಹಾಯ
ಮುಳ್ತ ಕಾಲ ತೀರ್ನೆಂಗೆ
ದಯಮಳ್ಪು ಪೂರ್ತಿ ಜಯ
ಹೊಂದು ಆಶೆ ಮಳ್ಪುವೆ್.
ಯೇಸೋ ಯಾನ್ ಸೈನಗ
ಯೆನನೌಳು ಸೇರಾಲ.