Verse 1
ಪ್ರೀತಿ ಓಳು ತೋಜುಂಡಾ
ಔಳು ಉಂಡು ಭಕ್ತಿಲಾ
ಯಾನ್ ಭಕ್ತೆ ಇನ್ಪನಾ?
ನಿನ ಪ್ರೀತಿ ತೋಜಾಲ.
Verse 2
ಬಾಯ್ಡ್ ಭಕ್ತಿ ಪಾತೆರ
ಬಂಜಿಡಾಂಡ ಮತ್ಸರ
ಇಂಚೀ ಗುಣ ಎಡ್ಡೆನಾ?
ಸ್ವಾಮಿ ಕಣ್ಣ್ ಕಟ್ಟೊಲ್ಯಾ?
Verse 3
ಒರ್ಯೇ ಅಮ್ಮ ಬಾಲೆಳೇ
ಆದ್ ಉಳ್ಳ ಪ್ರಿಯೆರೇ
ಯೇರ್ ಪಗೆ ಮಳ್ಪೆನಾ
ಆಯೆ ಬೇತೆ ಕುಟುಂಬ.
Verse 4
ಸ್ವರ್ಗದಮ್ಮ ಮಗನೇ
ಲೋಕೊಗಾದ್ ಕೊರಿಯೆ
ಈಲಾ ಒಂತೆ ಆಂಡಲಾ
ಆಯಗಾದ್ ಕೊರೊಡ್ಚಾ?
Verse 5
ಯೇಸು ನಿಜ ಮಮತೆ
ಮಾತೆರೆಗ್ ತೋಜಾಯೆ
ಆಯ ಮಾದ್ರಿ ತೂವೊಣ್ದು
ನಮ ಪ್ರೀತಿ ಮಳ್ಪೊಡು.
Verse 6
ಪ್ರಿಯ ಯೇಸು ರಕ್ಷಕೆ
ನಮ ರುಣ ಬೂಟಿಯೆ.
ಅವ್ವೇ ಲೆಕ್ಕ ನಮಲಾ
ಕರುಣ ತೋಜಾವೊಡ್ಚಾ?
Verse 7
ತಪ್ಪು ಮಳ್ತಿನಾಯಗ್
ಬೇಗ ಕೊರ್ಲ ಕ್ಷಮೆನ್
ನಂಕ್ ಏತೋ ಪಾಪೊನು
ಯೇಸು ಕ್ಷಮೆ ಮಳ್ಪೊಡು.
Verse 8
ನಿರೆತಾಯ ಕಷ್ಟೊನು
ತೂದು ಈ ಸಹಾಯೊನು
ಮಳ್ಪಂದೆನೇ ಕುಳ್ಳೊಲ್ಯಾ?
ಲಕ್ಕ್ ಬೇಗ ಕೈ ಕೊರ್ಲ.
Verse 9
ಪಗೆನಾಯೆ ಉಳ್ಳೆಡ
ಪಗತೆ ಈ ಕೊರಡ
ವೈರಿಗಾದ್ ನಟ್ಟೊಣ್ಲೆ
ಉಂದೇ ಯೇಸು ಅಪ್ಪಣೆ.
Verse 10
ವಾ ವಾ ಧರ್ಮ ಕೆಲಸ
ಯೇಸುಗಾದ್ ಮಳ್ತನಾ
ಐತ ಫಲ ಕೊರಂದೆ
ಯೇಸು ಕ್ರಿಸ್ತ ಕುಳ್ಳಯೆ.
Verse 11
ಆಂಡ ಅಹಂಕಾರೊಡೇ
ಪ್ರೀತಿಕಾರ್ಯ ಮಳ್ಪಂದೆ
ಯೇರ್ ಮೂಳು ಉಳ್ಳೆನಾ
ಆಯ ಅಂತ್ಯ ಕಠಿಣ.
Verse 12
ಅಂಚ ಮಾತ ಕ್ರೈಸ್ತೆರೇ
ಪ್ರೀತಿದೈಕ್ಯೊಡುಪ್ಪುಲೆ
ಯೇಸುವಾಕ್ಯ ಕೈಕೊಣ್ಲೆ
ಬಾಯ್ಡ್ ಅತ್ತ್ ಕಾರ್ಯೊಡೇ.