Verse 1
ಒಂಜೇ ಬುದ್ಧಿದಾಕುಳಾದ್
ಯೇಸು ಐಕ್ಯ ನಾಡ್‍ಗ
ರಕ್ಷಕನ್ ಹೆಚ್ಚೆಚ್ಚಾದ್
ಪ್ರೀತಿ ಮಳ್ತೊಣ್ದುಪ್ಪುಗ.
ಆಯೆ ಗುರು ನಮ ಸಭೆ
ಜ್ಞಾನ ಬುದ್ಧಿ ಆಯಡ್ದೇ
ಆಯೆ ಸೂರ್ಯೆ ಐತ ಪ್ರಭೆ
ಆಯನ್ನಂಬುನಾಕುಳೇ.
Verse 2
ಪೊಸತ್ತಾದ್ ಒಪ್ಪಿಯೊಣ್ಲೆ
ಬಲ್ಲೆ ದೆವಪುತ್ರೆರೆ
ಯೇಸು ಪ್ರೀತಿ ಪಿದುಕೊಣ್ಲೆ
ಶುದ್ಧ ಮಾದ್ರಿ ತೋಜಾಯೆ.
ಪ್ರೀತಿದೈಕ್ಯ ಪೂರ್ತಿ ಆದ್
ಇನಿ ಸ್ಥಿರ ಮಳ್ಪುಗ
ಯೇಸೋ ಪ್ರೀತಿ ತೂಪೊತ್ತಾದ್
ಯೆಂಕುಳೆಡ್ ಹೆಚ್ಚಾಲ.
Verse 3
ತೂಲೆ ನಮ ಯೇಸು ಪ್ರೀತಿ
ಲೋಕೊಗಾದ್ ಕ್ರುಸ್ಸುಡೇ
ತನ ಜೀವ ಕೊರಿ ರೀತಿ
ನಿತ್ಯ ಎಣ್ಣೊಣ್ದುಪ್ಪುಲೆ.
ಯೇಸು ಮಾದ್ರಿ ಸೂಕ್ಷ್ಮ ಆದ್
ತೂದು ಆಯ ಲೆಕ್ಕನೇ
ಪ್ರೀತಿ ಮಳ್ಪುನಾಕುಳಾದ್
ಅನ್ಯಮನ್ಯೊಡುಪ್ಪುಲೆ.
Verse 4
ಹಲ್ಲೆಲೂಯ ಆಯ ದಯ
ಏತೋ ಮಲ್ಲೆ ಒರ್ಮೆಲಾ
ಆಯ ಪ್ರೀತಿದತಿಶಯ
ತೂಲೆ ಏತೋ ಆಶ್ಚರ್ಯ.
ಸರ್ವ ಜೀವರಾಶಿಳೆಗ್
ಮೂಲ ವಸರಾಯೆನೇ
ಪ್ರೀತಿಡ್ದಾಯೆ ಮಾತೆರೆಗ್
ತನ ದಯ ತೋಜಾವೆ.
Verse 5
ಯೇಸೋ ಯೆಂಕ್ಳು ನಿನ ಮಿತ್ತ್
ಆಶೆ ದೀದ್ ಕೂಡದ
ಯೆಂಕ್ಳೆ ಮಿತ್ತ್ ದಯ ದೀದ್
ಶುದ್ಧ ಪ್ರೀತಿ ಪುಟ್ಟಾಲ.
ನಿನ ಚಿತ್ತದ ಪ್ರಕಾರ
ನಡಪಾಲ ಕರ್ತವಾ
ಕೊರ್ಲ ಪಾಪ ಪರಿಹಾರ
ಯೆಂಕ್ಳೆಡೊಪ್ಪ ಉಪ್ಪುಲ.
Verse 6
ನಿನ ಕಡೇ ಪ್ರಾರ್ಥನೆಗ್
ಸಮ ಇತ್ತಿ ಕಾರ್ಯೊನು
ಮಳ್ಪು ನಿನ ಶಿಷ್ಯೆರೆಗ್
ನಿನ ದಿವ್ಯ ಬಲೊಟು
ಈ ಕಲ್ಪಾಲ ಶುದ್ಧ ಪ್ರೀತಿ
ನಿನ ಪ್ರಜೆ ಯೆಂಕುಳು
ಪೂರ್ವೊಡಿತ್ತಿ ಸಭಾ ರೀತಿ
ಮೂಳುಲಾ ನಡಪುಡು.
Verse 7
ಕೊರ್ಲ ನಿನ ಸಮಾಧಾನ
ನಿನ ಸ್ವಂತ ಜನೊಕು
ನಿನ ಶುದ್ಧ ಪ್ರೀತಿದಾನ
ಐಶ್ವರ್ಯಾದ್ ಪಟ್ಟೊಣು.
ಅಂತ್ಯ ಮುಟ್ಟ ಯೆಂಕುಳೆನ್
ನಿನ ಪ್ರೀತಿಬಲೊಟು
ಕಾಪು ಮಾತ ಶಿಷ್ಯೆರೆನ್
ನಿನಡೆಗ್ ಸೇರಾವು.