Verse 1
ಲೋಕ ನಾಸ್ತಿ ಯೆನ ಆಸ್ತಿ
ಔಳು ಪರಲೋಕೊಡೇ
ಯೆನ ಯೇಸು ಮಾತ ಲೇಸು
ಮಳ್ಪುನಾಯೆ ನಿಜನೇ.
Verse 2
ಮೂಳು ಲಯ ಮಾತ ಮಾಯ
ಈ ಪ್ರಪಂಚ ಪೊಕ್ಕಡೆ.
ವ್ಯರ್ಥ ಆಶೆ ನೀಚ ಭಾಷೆ
ಮಾತ್ರ ಮೂಳು ಕೇಣುವೆ್.
Verse 3
ಉಂದೆಕಾದ್ ಪೂರ್ತಿ ಆದ್
ಲೋಕದೆನ್ ಪಿಲ್ಲ್ಯಾವೆ್.
ಯೇಸು ಮಿತ್ತ್ ದೃಷ್ಟಿ ದೀದ್
ಬಾಳ್ವೆ ಆಯ ಪ್ರೀತಿಡೇ.
Verse 4
ಪ್ರಾಣನಷ್ಟ ಮಲ್ಲ ಕಷ್ಟ
ಭಕ್ತೆ ಐಕ್ ತಪ್ಪಾವೆ
ಯೇಸು ದಯ ಏಕಾಶ್ರಯ
ಮಳ್ಪುನಾಯೆ ಬದ್‍ಕೆ.
Verse 5
ಪ್ರಾಣಲಾಭ ದುರ್ಪ್ರಸ್ತಾಪ
ಆತ್ತ್ ಜೀವ ರಕ್ಷಣೆ
ನಿತ್ಯ ಮಾನ ಸಮಾಧಾನ
ಮಾತ ಐಟೇ ಹೊಂದುವೆ್.
Verse 6
ಈ ಪ್ರಸಾದದಾಶೀರ್ವಾದ
ಯೇಸು ನಂಬುನಾಯಗೇ
ಮೂಳು ಕೊರ್ಪೆ ಬೊಕ್ಕ ದೆರ್ಪೆ
ನಿತ್ಯ ಸ್ವರ್ಗರಾಜ್ಯೊಗೇ.
Verse 7
ಉಂದೆಕಾದ್ ತೀರುನಾತ್
ಮಿತ್ತ್‌ದೆನೇ ನಾಡುವೆ್.
ಲೋಕ ನಾಸ್ತಿ ಯೆನ ಸ್ವಾಸ್ತಿ
ಔಳು ಪರಲೋಕೊಡೇ.