Verse 1
ಈ ಲೋಕ ನೀಚ ರೀತಿ
ಕಪಟ ನಡತೆ
ಸಾಕಾಂಡ್ ಐತ ನೀತಿ
ಪೂರ್ತ್ಯಾದ್ ಪೇಶಿಗೆ.
ಆ ಪರಲೋಕವಾಸ
ಪ್ರವೇಶ ನಾಡುವೆ್.
ಪೂರೈಸು ನಿನ ದಾಸ
ಆಪೇಕ್ಷೆ ದೇವೆರೇ.
Verse 2
ಕ್ರಿಸ್ತ್ಯೇಸೋ ನಿನ ಚಿತ್ತ
ಯೆಂಚಾಂಡ್ಲಾ ಆವೊಡು.
ತೋಜಾಲ ನಿನ ನಿತ್ಯ
ಕೃಪಾ ಕಟಾಕ್ಷೊನು
ಮುಗಿಪು ಲೋಕ ಕಷ್ಟ
ಆಧೈರ್ಯ ದೆಪ್ಪುಲ.
ಶರೀರ ಆತ್ಮನಷ್ಟ
ತಪ್ಪಾಲ ರಕ್ಷಕಾ.
Verse 3
ಕ್ರಿಸ್ತ್ಯೇಸೋ ನಿನ ಜ್ಞಾನ
ಹೃದಯೊಡುಂಡುಡ
ಉಲ್ಲಾಸ ಸಮಾಧಾನ
ಐಟುಪ್ಪು ಯೇಪಲಾ.
ಪವಿತ್ರ ನಿನ ಶ್ರಮೆ
ನಿಕ್ಕಾಯಿ ಮರಣ
ಪುಟ್ಟಾಂಡ್ ಪೂರಾ ಕ್ಷಮೆ
ಉಂದ್ಯೆನ ಶರಣ.
Verse 4
ಯೆಂಕಾದ್ ಸೈತ್ ಪೋತ
ಯೆಂಕಾದ್ ಲಕ್ಕಿಯ
ಯೆಂಕಿತ್ತಿನೌ ವಿರೋಧ.
ಮಾತೆನ್ಲಾ ಜೈಸಿಯ.
ಈ ಮಲ್ಲ ಕಾರ್ಯೊಗಾದ್
ನಿನನ್ ನಂಬಿಯೆ್.
ಈ ಭರವಸೊಗಾದ್
ಯೆಂಕುಂಡು ಧೈರ್ಯನೇ.
Verse 5
ಕ್ರಿಸ್ತ್ಯೇಸೋ ಯೆನ ಪ್ರಾಣ
ನಿನೈಕ್ಯೊಡುಪ್ಪೊಡು
ಯೆಂಕಾವು ಐಡ್ದ್ ತ್ರಾಣ
ವಿಜಯ ಸುಖೊಳು.
ಸದಾ ಕೊಂಡಾಡುನೆಕ್
ಯೆನನ್ ಸ್ವಾಮಿಯೇ
ಆ ಭಾಗ್ಯವಂತೆರೆಗ್
ಸೇರಾಲ ಬೇಗನೇ.