Verse 1
ವಿರೋಧ ಯೆಂಕ್ ದಾನೆ?
ಕ್ರಿಸ್ತ್ಯೇಸು ಕರ್ತವೆ
ಯೆಂಕುಳ್ಳೆ ಯಜಮಾನೆ
ಐಕಾದ್ ಪೋಡ್ಯಯೆ್.
ದುರಾತ್ಮ ವೈರಿಗುಂಪು
ಆಕ್ಷೇಪ ಮಳ್ತ್ಂಡ್ಲಾ
ಧೈರ್ಯಾದ್ ಪೋಪೆ್ ದುಂಬು
ಕೈ ಕೊರ್ಲ ಕರ್ತವಾ.
Verse 2
ಪಣ್ಪೇವೆ್ ಧೈರ್ಯ ಆದ್
ಮೇಲ್ಲೋಕ ಕರ್ತವೆ
ಪಾಪಾತ್ಮ ಎಡ್ಡೆಗಾದ್
ಸುಚಿಂತೆ ಮಳ್ಪುವೆ.
ಸಮಸ್ತ ಕಷ್ಟೊಳೆಡ್
ಸಮಿಪ ಉಂತುವೆ
ಯೆಂಕಮ್ಮ ಮಮತೆಡ್
ತೋಜಾವೆ ದಯೊನೇ.
Verse 3
ವಿಶ್ವಾಸದ ಬುನಾದಿ
ಕ್ರಿಸ್ತ್ಯೇಸು ನೆತ್ತೆರೇ.
ಐಡ್ದಾಂಡ್ ನಂಕ್ ಸಾದಿ
ಆ ನಿತ್ಯ ಭಾಗ್ಯೊಗೇ.
ಈ ಜೀವ ಪೋಂಡ ದಾನೆ?
ಒಂಜೇ ಬಯಕುವೆ್
ಆ ಪ್ರಿಯ ಯಜಮಾನೆ
ಕೊರ್ಪಿಂಚಿ ರಕ್ಷಣೆ.
Verse 4
ಯೆನಾಸ್ತಿ ಯೆನ ಮಾನ
ಪ್ರಕಾಶ ಕೀರ್ತಿಯೇ
ಸಂತೋಷ ಕೊರ್ಪಿ ದಾನ
ಈ ಯೇಸು ಕ್ರಿಸ್ತೆನೇ.
ಕ್ರಿಸ್ತ್ಯೇಸು ಐಕ್ಯದಾಂತೆ
ಸಂತೋಷ ಇಜ್ಜತ್ತಾ
ಆಯಡೇ ಭಾಗ್ಯವಂತೆ
ಆದುಳ್ಳೆ್ ಯೆಪಲಾ.
Verse 5
ಸೈತಾನೆ ಆಯ ಗುಂಪು
ವಾ ಮಲ್ಲ ವೈರಿಲಾ
ಪೋಡ್ಯಾದ್ ಸ್ವಾಮಿ ದುಂಬು
ಪಿರ್ಯಾದಿ ಕೊರ್‍ಂಡ್ಲಾ
ಯೆಂಕಿಜ್ಜಿ ದಾಲಾ ಭಯ
ಈ ದೂರು ಪೊಕ್ಕಡೆ.
ಕ್ರಿಸ್ತ್ಯೇಸು ಮಲ್ಲ ದಯ
ತಪ್ಪಾಂಡ್ ತೀರ್ಪುನೇ.
Verse 6
ಪವಿತ್ರ ಆಯ ಶ್ವಾಸ
ಪ್ರಕಾಶ ಕೊರುದು
ಮಳ್ಪೇವು ತನ ವಾಸ
ಯೆನ ಹ್ಲದಯೊಡು.
ಪಾರಾದ್ ಮಾತ ಚಿಂತೆ
ಪುಟ್ಟಾದ್ ಹರ್ಷೊನು
ತೋಜಾಂಡ್ ಮೂಳು ಒಂತೆ
ಆ ನಿತ್ಯ ಭಾಗ್ಯೊನು.
Verse 7
ಈ ಲೋಕ ನಾಶನಾವು
ಕ್ರಿಸ್ತ್ಯೇಸು ಸ್ಥಿರನೇ
ವಾ ಕಷ್ಟಲಾ ವಾ ಸಾವು
ವಾ ವೈರಿ ಪೋಡಿಗೆ
ಆಯಡ್ದೆನನ್ ಬೇತೆ
ಮಳ್ಪಂದ್ ನಂಬುಲೆ
ವಿಶ್ವಾಸೊಡಾಯನ್ಪತ್ತೆ್ಯ್
ಆಯನ್ ಬುಡಯೆ್.
Verse 8
ಹೃದಯ ನಲಿಪುಂಡು
ಸಂತೋಷ ಹರ್ಷೊಡ್ದೇ
ಸುನೀತಿ ಸೂರ್ಯ ಉಂಡು
ಔ ಯೇರ್ ಗೊಂತುಂಡೇ?
ಕ್ರಿಸ್ತ್ಯೇಸು ಯೆಂಕ್ ಉಳ್ಳೆ
ನಿಜಾಯಿ ರಕ್ಷಕೆ.
ಈ ಮಲ್ಲ ದಯ ತೂಲೆ
ಕೊಂಡಾಡೊಣ್ದುಪ್ಪುಲೆ.