Verse 1
ಯಥಾರ್ಥ ಆದ್ ನಂಬುನಾಯೆ
ಸುಭಾಗ್ಯ ಸ್ಥಿತಿಟುಪ್ಪುವೆ.
ಕ್ರಿಸ್ತ್ಯೇಸು ಪ್ರೀತಿಭಾವದಾಯೆ
ಆದುಳ್ಳೆ ಆಯ ಬೆರಿಯೆ
ನಡತೊಣ್ದುಳ್ಳೆ ಕ್ರಿಸ್ತಕಾಂತಿ
ಆಯಡ್ ಪ್ರತಿಕಾಂತಿಯೇ
ಆದುಪ್ಪು ಆಯೆ ಆತ್ಮಶಾಂತಿ
ಪೂರ್ತ್ಯಾದ್ ಅನುಭವಿಪೆ.
Verse 2
ಪ್ರಪಂಚೊಡುಪ್ಪು ಪೊರ್ಲುದೆನ್
ಅಸಹ್ಯ ಅಂದ್‍ದೆಣ್ಣುವೆ.
ಅನೇಕೆರೆಗ್ ಮೆಚ್ಚುನೆನ್
ಇಂಚಿತ್ತಿನಾಯೆ ಕೇಣಯೆ.
ವೈಕಾದ್? ಯೆನ ಬೆರ್ಯೆ ಬಲ್ಲೆ
ಅಶುದ್ಧದೆನ್ ಮುಟ್ಟಡೆ
ಪ್ರಪಂಚದೆಕ್ ದೂರ ಆಲೆ
ಈ ಯೇಸು ವಾಕ್ಯ ಕೇಣುವೆ.
Verse 3
ಮೇಲ್ಲೋಕದಾಶೆಗೇ ಬೋಡಾದ್
ಈ ಲೋಕದಾಶೆ ಬುಡುದೇ
ಕ್ರಿಸ್ತ್ಯೇಸು ನೀತಿನೇ ಪೂರ್ತ್ಯಾದ್
ತನಲಂಕಾರ ಮಳ್ತೊಣ್ವೆ.
ಪವಿತ್ರ ದೇವಪುತ್ರೆರೆಗ್
ಯೆಹೋವೆ ಮಲ್ಲೆ ತೋಜುವೆ
ಐಕಾದ್ ಮಾತ ವ್ಯರ್ಥದೆಕ್
ಕೈ ಪಾಡುಜೆರ್ ನಿಜನೇ.
Verse 4
ಕ್ರಿಸ್ತ್ಯೇಸೋ ಈ ಪಿನ್ಪಾಯಿ ಸತ್ಯ
ಯೆನಡ್ ಸ್ಥಿರ ಮಳ್ಪುಲ.
ವೈಟಾಂಡಲಾ ಈ ಯೆಂಕಗತ್ಯ
ಈ ಯೆನ ದ್ರವ್ಯಾದುಪ್ಪುವ.
ಸೈತಾನ ಕ್ರಿಯ ಲೋಕಮಾನ
ಪೋವಡ್ ನಿನ ಐಕ್ಯೊಡೇ
ಸಂಪೂರ್ಣ ನೀತಿ ಸಮಾಧಾನ
ಸಂತೃಪ್ತಿ ಯಾನ್ ಹೊಂದುವೆ.