Verse 1
ಕ್ರಿಸ್ತ್ಯೇಸೋ ಯಾನ್ ನಿನ್ನಾಯೆ
ಈ ಯೆಂಚಲಾ ಯೆನ್ನಾಯೆನೇ
ನಿಕ್ಕಿತ್ತೆ ವಶ ಆಯೆ್.
ಈ ಯೆಂಕ್ ಪುಣೆ ಕರ್ತವಾ
ಈ ಯೆನ ಆಶೆ ಆದುಳ್ಳ
ಲೌಕೀಕ ಆಶೆ ದಾಯೆ?
ತನ ಪ್ರಾಣ
ಯೇಸುಗಾದ್
ಪೂರ್ತಿ ಆದ್
ಕೊರ್ಪಿನಾಯೆ
ಆವೆ ನಿತ್ಯ ಭಾಗ್ಯದಾಯೆ.
Verse 2
ಪ್ರಪಂಚದಾಶೆದಾಕುಳೆ
ದುರ್ಗತಿ ಎಡ್ಡೆ ತೂವೊಣ್ಲೆ
ನಿರಾಶೆದೌ ಆದುಂಡು.
ಉಂಡ್‍ಂಡ್ಲಾ ತೃಪ್ತಿ ಆಪುಜಿ
ಪರ್‍ಂಡ್ಲಾ ಸುಖ ತಿಕ್ಕುಜಿ
ಯೆಂಚಿತ್ತಿ ಫಲ ಉಂದು.
ಕಷ್ಟ ನಷ್ಟ
ಕುರೆಪಟ್ಟ್
ಕಣ್ಣ್ ಕಟ್ಟ್
ಸುಖತಾಶೆ
ನಾಶ ಮಳ್ಪು ಅಭಿಲಾಷೆ.
Verse 3
ಕ್ರಿಸ್ತ್ಯೇಸು ಮೇಪು ಪುಂಡುಗು
ಸೇರೊಣ್ದೆನಾಯ ಸುಖೊಳು
ಏತೋ ಪಸಂತ್ ತೂಲೆ.
ಈ ಮೇವುಡಾಪಿ ಭಾಗ್ಯೊಳು
ಸತ್ಯಾತ್ಮಗೇ ಗೊಂತಾಪುಂಡು
ಕ್ರಿಸ್ತಡ್ದ್ ಹೊಂದೊಣ್ದುಳ್ಳೆ.
ಶುದ್ಧಿ ಬುದ್ಧಿ
ಸತ್ಯ ನೀತಿ
ನಿಜ ಪ್ರೀತಿ
ನಿತ್ಯಾಧಾರ
ತ್ರಾಣ ಬೊಳ್ಪು ಪರಿಹಾರ.
Verse 4
ಐಕಾದ್ ನನ ಬೊಡ್ಚಪ್ಪಾ
ಪ್ರಪಂಚದಾಶೆ ನಿಶ್ಚಯ
ಸಾಕಾಂಡ್ ಪಾಪಸೇವೆ.
ಈ ಯೆಂಕ್ ಪ್ರಿಯ ಕರ್ತವಾ
ಅನಂತ ಪ್ರೀತಿ ತೋಜಾಯ
ನಿಕ್ಕಾದೇ ಬದ್‍ಕೇವೆ್.
ನಿನ ಘನ
ಸೇವೆಗಾದ್
ಪೂರ್ತಿ ಆದ್
ಯೆನನ್ದೀಲ
ನಿನ ಆಶೀರ್ವಾದ ಕೊರ್ಲ.