Verse 1
ಶ್ರೀ ಯೇಸು ಕ್ರಿಸ್ತಾ ಯೆನ ಪ್ರಾಣ
ಶರೀರ ಆತ್ಮ ಮಾತಲಾ.
ನಿನೌ ಆದುಂಡು ಈ ಪ್ರಮಾಣ
ಸ್ಥಿರಾಪಿಲೆಕ್ಕ ರಕ್ಷಕಾ.
ಈ ನಡಪಾಲ ಯಾನ್ನಿನ್ನಾಯೆ
ಕ್ರಿಸ್ತೇಸೋ ನಿನ ಚಾಕ್ರಿದಾಯೆ
ಆದುಳ್ಳೆ್ ನಿನ ಸೇವೆಗೇ
ಬೋಡಾಪಿ ಶಕ್ತಿ ಯೆಂಕ್ ಕೊರ್ಲ
ವಿಶ್ವಾಸ ಧೈರ್ಯೊನೇ ಹೆಚ್ಚಾಲ
ಕೈ ಕೊರ್ಲ ಯೇಸುಸ್ವಾಮಿಯೇ.
Verse 2
ಸ್ವಭಾವದಿಚ್ಛೆಡ್ದಾಪಿ ಕಷ್ಟ
ಈ ಲೋಕೊಡುಪ್ಪು ಚಿಂತೆಲಾ.
ಪ್ರಪಂಚದವು ಮಾತ ನಷ್ಟ
ಈ ಪೂರ್ತಿ ಪಿದುಕೊಣುವ.
ಐಕಾದ್ ಯೇಸೋ ನಿನ ದಯ
ಅವಶ್ಯ ಇತ್ತಿನೌ ಸಹಾಯ
ದಂಡ್ಯಾಲ ಪ್ರಿಯ ರಕ್ಷಕಾ.
ಈ ಜೀವ ತೀರು ಕಾಲ ಮುಟ್ಟ
ಮಧ್ಯಸ್ತೆ ಆದ್ ಯೆಂಕ್ ದಿಟ್ಟ
ವಿಶ್ವಾಸ ದಯ ಮಳ್ಪುಲ.
Verse 3
ಯೆಂಕಾಂಡ ನನ ಬೋಡುದಾನೆ?
ನಿನಡೇ ಸ್ಥಿರ ಉಂತುವೆ್.
ಈ ಯೆನ ಪ್ರಿಯ ಯಜಮಾನೆ
ಆದುಪ್ಪುನೆಡ್ದ್ ಬುರಯೆ್.
ಈ ದೆಪ್ಪ ಮುಳ್ತ ಮಾತ ದುಃಖ
ಆ ಲೋಕೊಡೇ ಈ ಕೊರ್ವ ಸುಖ
ಔಳೀಯೇ ಸಮಜೈಸುವ
ಕ್ರಿಸ್ತೇಸು ಸ್ವಾಮಿ ಬೇಗ ಬಲ್ಲ
ಸೈತಾನ ಕೈಡ್ದ್ ಬುಡುಪಾಲ
ಈ ಉಪ್ಪುನೌಳೇ ಸೇರಾಲ.