Verse 1
ಬಲ್ಲ ಬಲ್ಲ ಜೀವದಾತ್ಮಾ
ನಿತ್ಯ ನಿಜ ದೇವೆರೇ.
ಯೆಂಕುಳೆಡ್ ಬಳಪಾಲ
ನಿನ ದಿವ್ಯ ಶಕ್ತಿನೇ.
ಆಪಗ ಹೃದಯೊಡು
ಆತ್ಮ ಬೊಳ್ಪು ಮೂಡುಂಡು.
Verse 2
ನಿನ ಚಿತ್ತದ ಪ್ರಕಾರ
ಯೆಂಕ್ಳೆ ಮಾತ ಕ್ರಿಯೊಳು
ಆಪಿಲೆಕ್ಕ ತ್ರಾಣ ವರ
ಬುದ್ಧಿ ಈಯೇ ಕೊರೊಡು.
ತಿದ್ದು ತಪ್ಪು ಗ್ರಹಿಕೆ
ದಿವ್ಯ ಜ್ಞಾನಬಲೊಡ್ದೇ.
Verse 3
ನಿನ ವಾಕ್ಯ ತೆರಿಪಾಯಿ
ರಕ್ಷಣೆದ ಮಾರ್ಗೊಡು
ಮೊಸೊಳೆಡ್ ಬೂರ್ದುಪೋಯಿ
ಯೆಂಕ್ಳೆನ್ನಡಪುಡೊಡು.
ಅಡ್ಡಿ ಸಡ್ಡಿ ಮಾತಲಾ
ದೆತ್ತ್ ಪಾಡ್ಲ ಕರ್ತವಾ.
Verse 4
ಆತ್ಮಗಾಪಿ ಭಂಙೊಳೆಡ್
ಯೆಂಕ್ಳು ಸ್ವಾಮಿ ಬಾಲೆಳು
ಇನ್ಪಿ ದೃಢತ್ವ ಯೆಂಕ್ಳೆಡ್
ಈಯೇ ಗಟ್ಟಿ ಮಳ್ಪೊಡು.
ಅಮ್ಮೆ ಕೊರ್ಪಿ ಶಿಕ್ಷೆಲಾ
ನಮ ಎಡ್ಡೆಗಾದತ್ತಾ.
Verse 5
ಧೈರ್ಯೊಡು ನಟ್ಟೊಣುಲೆಕ್ಕ
ಆತ್ಮಾ ಎಚ್ಚರಿಪುಲ
ಕೊರ್ಲ ನಿನ ಅಭಿಷೇಕ
ಈ ಮಧ್ಯೇಸ ಮಳ್ಪುಲ
ದೇವಸನ್ನಿಧಾನೊಡು
ಪಾಪಿಷ್ಟೆರೆ ಪಕ್ಷೊಡು.
Verse 6
ಶಕ್ತಿ ಜ್ಞಾನ ಇತ್ತಿ ಆತ್ಮಾ
ಮಾತ ಎಡ್ಡೆ ನಿನಡ್ದೇ.
ಯೆಂಕುಳೆಡ್ ನಡಪಾಲ
ನಿನ ಶುದ್ಧ ಕ್ರಿಯೊನೇ
ಕೈದ್ ಕೊರ್ದು ಕಾಳಿಗ
ಗೆಂದುಲೆಕ್ಕ ಮಳ್ಪುಲ.
Verse 7
ಹಾಸ್ಯ ಸಾವು ದೆವ್ವಕಾಟ
ಯೆಂಕುಳೆ ವಿಶ್ವಾಸೊನು
ಹಾಳ್ ಮಳ್ಪುನೌ ಪೇಚಾಟ
ಈಯೇ ದೂರ ಮಳ್ಪೊಡು
ಮಾಂಸ ವ್ಯರ್ಥ ಆಂಡಲಾ
ನಿನ ವಾಕ್ಯ ಸ್ಥಿರತ್ತಾ.
Verse 8
ಮರಣದ ಗಳಿಗೆಡ್
ಸ್ವರ್ಗರಾಜ್ಯಭಾಗ್ಯೊಡು
ಐತ ನಿತ್ಯ ಮಹಿಮೆಡ್
ಯೇಸು ಕ್ರಿಸ್ತ ದಯೊಡ್ದು
ಹಕ್ಕ್ ಉಂಡು ನಿಶ್ಚಯ
ಇನ್ಪಿನೆನ್ ತೋಜಾಲ.