Verse 1
ಜೀವದಾತ್ಮಾ ದಿವ್ಯ ಬಲಾ
ಪ್ರಾಣೊಳೆ ಪ್ರಕಾಶನೇ
ಕ್ರಿಸ್ತ ಗೋರಿಡ್ದಾಯಿ ಫಲಾ
ನಿತ್ಯಜೀವವಸರೇ.
ಮಿತ್ತ್‌ಡ್ದ್ ಈ ಬತ್ತಿನಾಯೆ
ಮಹಾ ಸ್ವಾಮಿ ಕಡೆತಾಯೆ
ಯೆನ ಉಡಲ್‍ನ್‍ಲಾ
ನಿಕ್ಕ್ ಸಿದ್ಧ ಮಳ್ಪುಲ.
Verse 2
ಬಿರುಗಾಳಿ ಬೀಜುನೆಟ್
ಆನಿ ತಿರ್ತ್ ಜತ್ತ್‌ದ
ತೂತ ನಾಲೈ ರೂಪುದೆತ್ತ್
ನಿನನ್ ತೋಜಾವೊಂಡ.
ಆಂಡ ಇತ್ತೆ ಗೌಜಿದಾಂತೆ
ತೋಜ ರೂಪು ಪಾಡೊಣಂದೆ
ಯೇಸುಶ್ವಾಸ ತರೊಟೇ
ತಿಂರ್ಗೊಣ್ದುಳ್ಳ ಲೋಕೊಡೇ.
Verse 3
ಪಾಪಿಷ್ಟೆರೆ ಭಾಗ್ಯೋಗಾದ್
ಅವತಾರ ದೆತ್ತೊಣ್ದು
ರಕ್ಷಕೆ ಮಧ್ಯಸ್ತೆ ಆದ್
ಕ್ರುಸ್ಸು ಸಾವು ತಾಳೊಣ್ದು
ಇತ್ತಿ ಯೇಸು ಕರ್ತವಗ್
ಮಾತೆರೆ ಹೃದಯಳೆಡ್
ಮಾನ ಆವೊಡಂದ್‍ದೇ
ನಿನ ಮುಖ್ಯ ಸಾಧನೆ.
Verse 4
ಈ ಪಿನ್ಪಾವು ಮಾತ ವಾಕ್ಯ
ಯೇಸುನೆಡ್ದ್ ದೆಪ್ಪುವ.
ಶಿಕ್ಷೆ ಅತ್ತ್‌ಡ ಸುಭಾಗ್ಯ
ಕೊರ್ನಗ ಉಂದೆಟ್‍ಲಾ
ಯೇಸು ಪ್ರತಿರೂಪು ಆದ್
ಆಯೆ ಉಳ್ಳೆ ನಿಶ್ಚಯಾದ್
ಇನ್ಪಿನೆಕ್ ಲೋಕೊಡು
ಸಾಕ್ಷಿ ಪಣ್ಪ ಬಲೊಟು.
Verse 5
ಗರ್ವಿಷ್ಟನ್ ನಿನ ವಾಕ್ಯ
ಎಡ್ಡೆ ಪೋಡಿಯಾವುಂಡು
ಯೇಸುಪಾದ ಸೇರುಲೆಕ್ಕ
ಎಚ್ಚರಿಗೆ ಕೊರ್ಪುಂಡು.
ಆಂಡ ಕಾರ್ ಬಚ್ಚಿನಾಯೆ
ಸೊತುಪೋಯಿ ಚಾಕ್ರಿದಾಯೆ
ನಿನ ಶಬ್ದ ಕೇಂಡ್‍ದೇ
ಪೊಸ ಧೈರ್ಯ ಮಳ್ಪುವೆ.
Verse 6
ಅಮ್ಮ ಆತ್ಮಾ ಶುದ್ಧ ಶ್ವಾಸಾ
ಯೆಂಕುಳೆ ಹೃದಯೊಡು
ಮಳ್ಪು ನಿನ ಪ್ರಿಯ ವಾಸ
ಐನ್ ಬೆಳಗಾವೊಡು.
ನಿನ ದಿವ್ಯ ಶಕ್ತಿ ಜ್ಞಾನ
ಉಪ್ಪುನೌಳೇ ಆತ್ಮ ಪ್ರಾಣ
ತರೆ ಅಂಗ ಮಾತಲಾ
ಪೊಸ ಜೀವ ತೋಜಾವ.
Verse 7
ದಿವ್ಯ ಆದರಿಪುನಾಯಾ
ಕಡೇ ಗಳಿಗೆಡ್‍ಲಾ
ನಿನ ದಯತ ಸಹಾಯ
ಭಕ್ತೆರೆಗ್ ತೋಜಾಲ.
ಮರಣದ ತೋಕೆಡಾದ್
ಯೆಂಕುಳೆನ್ ನಡಪಾದ್
ಯೇಸು ಸನ್ನಿಧಾನೊಗು
ನಂಬಿನೆನ್ ತೂಪಾವು.