Verse 1
ಹಲ್ಲೆಲೂಯ ಕೊಂಡಾಡುಲೆ
ದೇವೆರ್ ನಮ ಅಮ್ಮೆನೇ
ಸರ್ವೋಪಕಾರದಾಯೆ
ಸಮಸ್ತ ಜನ ಆಯಗೇ
ಸಂಗೀತರಾಗ ಮಳ್ಪುಲೆ
ವಿಚಿತ್ರ ರೀತಿಡಾಯೆ
ಸರ್ವ ಸೈನ್ಯ
ನಡಪಾವೆ
ತೀರಿಸಾವೆ
ಮಾತ ನ್ಯಾಯ
ಆಯೆ ಮಾತೆರೆಗಾಶ್ರಯ.
Verse 2
ಹಲ್ಲೆಲೂಯ ಕೊಂಡಾಡುಲೆ
ಕ್ರಿಸ್ತ್ಯೇಸು ನಮ ರಕ್ಷಕೆ
ಸ್ವಪ್ರಜೆ ಜತ್ತ್ ದೈದೆ
ಗೊಲ್ಗಥ ಇನ್ಪಿ ಗುಡ್ಡೆಡೇ
ನಂಕಾದ್ ಕ್ರುಸ್ಸು ಕಂಭೊಡೇ
ಜೀವೊನು ಕೊರ್ದು ಸೈತೆ.
ಶುದ್ಧ ಭಾಗ್ಯ
ಅನ್ಯಮನ್ಯ
ಉಂಡು ನನ
ಆಯಗಾದ್
ಬಾಳೊಣ್ದುಳ್ಳ ಸುಖ ಆದ್.
Verse 3
ಹಲ್ಲೆಲೂಯ ಕೊಂಡಾಡುಲೆ
ದಿವ್ಯಾತ್ಮೆ ತನ ಬಲೊಟೇ
ಪುಟ್ಟಾವೆ ಪೊಸ ಜೀವ
ವಿಶ್ವಾಸ ಧೈರ್ಯ ಶಕ್ತಿಲಾ
ದಂಡ್ಯಾದ್ ಅಂತ್ಯ ಬನ್ನಗ
ನಟ್ಟಾವೆ ನಿತ್ಯಜೀವ.
ಮೂಳೇ ತೂಲೆ
ಈ ಸಂತೋಷ
ಆತ್ಮಪೋಷ
ದಿವ್ಯ ಮನ್ನ
ನಿತ್ಯ ಸ್ತೋತ್ರ ಹೊಸಿಯನ್ನ.
Verse 4
ಹಲ್ಲೆಲೂಯ ಕೊಂಡಾಡುಲೆ
ತ್ರಿಯೇಕ ಸ್ವಾಮಿ ಪಾದೋಗೇ
ಸಾಷ್ಟಾಂಗ ನಮಸ್ಕಾರ
ಅಜಂತ ದೂತಸೈನ್ಯೊಳು
ಕೊಂಡಾಡುನೆತ್ತ ಒಟ್ಟುಗು
ಲಕ್ಕಾಲೆ ಸ್ತೋತ್ರಸ್ವರ
ಶುದ್ಧ ಶುದ್ಧ
ಶುದ್ಧದಾಯೆ
ನಿತ್ಯೊಗಾಯೆ
ಯಜಮಾನೆ
ಸೈನ್ಯೊಳೆ ಯೆಹೋವೆ. ಆಮೆನ್.