Verse 1
ಒಟ್ಟಾವೊಣ್ದು ಬಲ್ಲೆ
ದೇವೆರೆದ್‍ರ್‍ಗ್
ಭಕ್ತಿಸೇವೆ ಮಳ್ಪುನೆಕ್.
ಪರಿಶುದ್ಧದಾಯೆ
ನಮ ನಡುಟುಳ್ಳೆ
ಮನಿಪಂದೆ ಅಡ್ಡ ಬೂರ್ಲೆ
ಯೇರಾಯೆ ಪಿಂದೊಣ್ಲೆ
ಪೂರಾ ತಗ್ಗಾವೊಣ್ಲೆ
ಆಯಗೊಪ್ಪಿಯೆಣ್ಲೆ.
Verse 2
ಮಾತ ದೂತಸೈನ್ಯ
ಪರಲೋಕೊಳೆಡ್
ಕೊಂಡಾಡುಂಡು ಮಹಿಮೆಡ್
ಶುದ್ಧ ಪರಿಶುದ್ಧ
ದೇವೆರೆಗ್ ಮಾನ
ಉಂದೇ ದೂತಗಣ ಧ್ಯಾನ.
ಆಯಗೇ ಮಳ್ಪುಲೆ
ಭಕ್ತಿ ಸ್ತುತಿ ಸ್ತೋತ್ರ
ನರಕುಲಗೋತ್ರಾ.
Verse 3
ಯೆಂಕ್ ನನ ಬೊಡ್ಚಿ
ಈ ಪ್ರಪಂಚಲಯ
ಸ್ವಾಮಿ ಬೋಡು ನಿನ ದಯ
ನಿಕ್ಕ್ ವಶ ಆದ್
ಪೂರಾ ಪಾದಸೇವೆ
ಅಂತ್ಯ ಮುಟ್ಟಲಾ ಮಳ್ಪೇವೆ್.
ದೇವೆರೇ ನಿನವೇ
ಯೆನ ಕಾಯ ಪ್ರಾಣ
ನಿಕ್ಕ್ ನಿತ್ಯ ಮಾನ.
Verse 4
ದಯ ದಿಂಜಿನಾಯಾ
ಯೆನ ಉಳೈ ಬಲ್ಲ.
ಯಾನ್ ನಿನ ವಾಸಸ್ಥಳ
ಮಾತ ಪೇಸಿಗೆನ್
ಯೇಸು ಪುಣ್ಯೊಡ್ದಾದ್
ಶುದ್ಧ ಮಳ್ಪು ಪೂರ್ತಿ ಆದ್
ದೇವೆರೇ ನಿನಡ್ದೇ
ಬರ್ಪುಂಡು ಸುಜ್ಞಾನ
ನಿತ್ಯ ಸಮಾಧಾನ.