Verse 1
ಕ್ರಿಸ್ತ್ಯೇಸೋ ನಿನ ದಯ
ಅಪೇಕ್ಷೆ ಮಳ್ಪುವ
ಈ ಯೆಂಕುಳೆಗಾಶ್ರಯ
ಆದುಳ್ಳ ಯೇಪಲಾ.
Verse 2
ಇಕ್ಕಟ್ಟ್ ಸಾದಿಡ್ದಾದ್
ಅನೇಕ ತರತ
ಅಭ್ಯಂತ್ರ ಉಂದೆಕಾದ್
ಈ ನಡಪುಡುಲ.
Verse 3
ಜಯಾಂಡ್ ಅಮ್ಮಾಡ್ಳೆಗ್
ಈ ದಯ ನಂಬುದು
ಸಮಸ್ತ ಬಕ್ತೆರೆಗ್
ಈ ಮಾರ್ಗ ದೀದುಂಡು.
Verse 4
ಐಕಾದ್ ಧೈರ್ಯ ಆದ್
ಈ ದಿವ್ಯ ದಯೊಟೇ
ಬುಡಂದೆ ನಿಲೆಯಾದ್
ಆಧಾರ ಮಳ್ತೊಣ್ಲೆ.
Verse 5
ಈ ಲೋಕ ಪಾಪ ಕರ್ಮ
ಪುಟ್ಟಾವು ಬಂಙೊಡೇ
ಆಶ್ರಯ ಕೊರ್ಪಿ ಮರ್ಮ
ಉಂಡು ಈ ದಯೊಟೇ.
Verse 6
ಓ ಯೇಸೋ ಬೇಗ ಬಲ್ಲ
ನಿನನ್ ಕಾಪುವ
ಪಾಪೊಡ್ದು ಬುಡುಪಾಲ
ಈ ಸುದರಿಪುಲ.
Verse 7
ಪೂರ್ತ್ಯಾದ್ ಜೈಸುನೆಕ್
ಸಹಾಯ ಮಳ್ಪುಲ
ವಿಶ್ವಾಸ ಮಾತೆರೆಗ್
ಹೆಚ್ಚಾಲ ಕರ್ತವಾ.
Verse 8
ಅಂಚಾಂಡ ಲೋಕನಷ್ಟ
ನಿಕ್ಕಾದ್ ಲಾಭನೇ
ಈ ದಯ ಮಾತ ಕಷ್ಟ
ದೆಪ್ಪುಂಡು ನಮಡ್ದೇ.
Verse 9
ವಿಶ್ವಾಸ ಹೆಚ್ಚೆಚ್ಚಾದ್
ಈ ಲೋಕಭಂಗೊನು
ಕ್ರಿಸ್ತ್ಯೇಸು ಪುಣ್ಯೊಡ್ದಾದ್
ದಿನಾಲಾ ಜೈಸುಂಡು.
Verse 10
ಈ ಲೋಕ ಮೋಸೊಗಾದ್
ಬುಡಂದೆ ಬುಳ್ಪುವ
ಬೋಡಾಪಿ ಬಲೊಕಾದ್
ಕ್ರಿಸ್ತ್ಯೇಸೋ ನಟ್ಟುವ.
Verse 11
ವಿಶ್ವಾಸದಾಕುಳೆಗ್
ಈ ದಯ ಈಯ್ಯವು
ತೋಜಾಲ ಮಾತೆರೆಗ್
ಈ ದಯಾಧಾರೊನು.