Verse 1
ಕಟಾಕ್ಷ ನಾನು ಹೊಂದಿದ್ದೇನೆ
ಇದೇನು ನನ್ನ ಪುಣ್ಯವೊ?
ಆಶ್ಚರ್ಯವೆಂದು ಹೇಳುತ್ತೇನೆ
ನಾ ಕೃಪೆಯಾಶಿಸಿದೆನೋ?
ಕಟಾಕ್ಷವನ್ನು ನೆನೆದು
ಕೊಂಡಾಡುತ್ತೇನೆ ನಿತ್ಯಕು.
Verse 2
ನಾ ದೇವ ಕೋಪ ಪಾತ್ರನಾಗಿ
ಪಾತಾಳ ಪುತ್ರನಾದೆನು
ಕ್ರಿಸ್ತ್ಯೇಸು ರಕ್ತ ನನಗಾಗಿ
“ಕಾರುಣ್ಯ” ವೆಂದು ಕೂಗಿತು.
ಕಟಾಕ್ಷವನ್ನು ನೆನೆದು
ಕೊಂಡಾಡುತೇನೆ ನಿತ್ಯಕು.
Verse 3
ಮನುಷ್ಯರನ್ನ ಕೇಳುವಾಗ
ನಾ ದೇವಕೃಪೆ ಸಾರುವೆ
ಇದೊಂದೆ ನನ್ನ ನಿತ್ಯರಾಗ
“ನಾ ಕೃಪೆಯಿಂದ ಜೈಸಿದೆ.”
ಕಟಾಕ್ಷವನ್ನು ನೆನದು
ಕೊಂಡಾಡುತ್ತೇನೆ ನಿತ್ಯಕು.
Verse 4
ಈ ಕೃಪೆಯಂ ಲೋಕಾಧಿಕಾರ
ನನ್ನಿಂದ ನೀಗಲಾರದು
ಇದೆನ್ನ ಪಾಪಪರಿಹಾರ
ಇದೆನ್ನ ನಿತ್ಯಮೋಕ್ಷವು.
ಕಟಾಕ್ಷವನ್ನು ನೆನೆದು
ಕೊಂಡಾಡುತ್ತೇನೆ ನಿತ್ಯಕು.
Verse 5
ದಯಾತ್ಮನಾದ ದಿವ್ಯ ತಂದೆ
ಕಟಾಕ್ಷ ಬಿಡಬೇಡವು
ಕ್ರಿಸ್ತೇಸುನಾಮದಲ್ಲಿ ಬಂದೆ
ವಿಮುಕ್ತಿ ದಯಪಾಲಿಸು.
ಕಟಾಕ್ಷ ಪೂರ್ತಿ ನೆನೆದು
ಕೊಂಡಾಡುತೇನೆ ನಿತ್ಯಕು.