Verse 1
ತಂದೆಯಾದ ದೇವರೆ
ನಮ್ಮಲ್ಲಿ ವಾಸಮಾಡು
ಪಾಪ ಮನ್ನಿಸೆಮಗೆ
ಆತ್ಮಂಗಳಂ ಕಾಪಾಡು
ಮುಕ್ತಿ ಕೊಡು ತಂದೆಯೆ
ಪಿಶಾಚನನ್ನು ಜೈಸಿ
ಸದಾ ವಿಶ್ವಾಸವಾಗಿ
ನಿನ್ನಲ್ಲಿ ನೆಲೆಯಾಗಿ
ಎಲ್ಲ ಸಭೆಯೊಂದಿಗೆ
ದಿವ್ಯಾಯುಧಂ ಕೊಳ್ಳೋಣ
ಹೋರಾಟ ತೀರಿಸೋಣ
ಕಿರೀಟ ಪಡೆಯೋಣ
ಹಲ್ಲೆಲೂಯ ನಿನ್ನಲೇ
ಸಂರಕ್ಷೆ ಸ್ಥಿರವಾದದೇ.
Verse 2
ಕರ್ತ ಯೇಸು ಕ್ರಿಸ್ತನೆ
ನೀ ಸರಿಯಾದ ಹಾದಿ
ಸತ್ಯ ದೇವವಾಕ್ಯವೆ
ನೀನೆಮ್ಮ ಮರೆಯಾದಿ
ನೀನು ಸತ್ತು ನಮಗೆ
ಆ ಜೀವರಾಜ್ಯ ಕೊಂಡಿ
ನಿನ್ನಲ್ಲಿ ಜೀವಕಾಂತಿ
ನಿನ್ನಲ್ಲಿ ಸತ್ಯಶಾಂತಿ
ನೀನು ದಿವದನ್ನವೆ
ನಿನ್ನಲ್ಲಿ ನೀತಿಜ್ಞಾನ
ನೀನೆಮ್ಮ ಯಜಮಾನ
ನೀನೆಮ್ಮ ಸಮಾಧಾನ
ಶುದ್ಧ ಕನ್ಯಾಪುತ್ರನೆ
ಅನಂತ ಸ್ತೋತ್ರ ನನಗೆ.
Verse 3
ಪಿತಾಪುತ್ರರೊಂದಿಗೆ
ಸಮಾನವಾದ ಮಾನ
ಹೊಂದತಕ್ಕ ಆತ್ಮನೆ
ತಾರೈ ವಿಶ್ವಾಸದಾನ
ಚಿಂತಾಕ್ರಾಂತ ಮನಕೆ
ನೀ ನೀಡು ಕ್ಷೇಮವನ್ನು
“ನನ್ನಪ್ಪ ತಂದೆ ಕೇಳು”
ಎಂದನ್ನ ಬುದ್ಧಿ ಹೇಳು
ಸತ್ಯ ವೃದ್ಧಿಕಾರ್ಯಕೆ
ಸದಾ ಸಹಾಯ ಮಾಡು
ಸದ್ಭಕ್ತರಂ ಕಾಪಾಡು
ಸೈತಾನಗೆದುರಾಡು
ಹಲ್ಲೆಲೂಯ ಆತ್ಮನೆ
ನಿವಾಸ ಮಾಡೆಮ್ಮೊಳಗೆ.