Verse 1
ನೀ ಪ್ರಾರ್ಥಿಸಲ್ಕೆ ತೋಟದಲ್ಲಿ
ಪ್ರವೇಶಿಸುತ್ತಿ ಯೇಸುವೆ
ನಾ ಬಂದು ನಿನ್ನ ಬಳಿಯಲ್ಲಿ
ನಿಂತಿದ್ದು ನಿನ್ನನಗಲೆ
ನಿನ್ನಿಂದ ತಕ್ಕ ಪ್ರಾರ್ಥನೆ
ಹ್ಯಾಗೆಂದು ಕಲ್ತುಕೊಳ್ಳುವೆ.
Verse 2
ನೀ ಸಾಯುವಷ್ಟು ದುಃಖಪಟ್ಟಿ
ನೆಲಕ್ಕೆ ಬೊಗ್ಗಿ ನಡುಗಿ
ಈ ದುಃಖ ನನ್ನ ಮನ ಮುಟ್ಟಿ
ದುರಾಶೆಯೆಲ್ಲ ಕೊಲ್ಲಲಿ
ನಾನೆನ್ನ ಪಾಪವರಿತು
ಶೋಕರ್ತ ಬೊಗ್ಗಿಕೊಳ್ವೆನು.
Verse 3
ನೀ ಬಿಟ್ಟು ಎಲ್ಲ ಜನರನ್ನು
ಏಕಾಂತದಲ್ಲಿ ಬೇಡಿದಿ.
ನಿನ್ನಂತೆ ಬಿಟ್ಟು ಗದ್ದಲನ್ನು
ನಾ ಬೇಡುತ್ತೇನೇಕಾಂತದಿ
ನನ್ನೊಡನಿರೆ ಕರ್ತನು
ಮತ್ತ್ಯಾರು ಇರಬಾರದು.
Verse 4
ನೀ “ಅಪ್ಪಾ” ಎಂದು ಕೂಗಲಾಗಿ
ನಿನ್ನನ್ನು ತಂದೆ ಕೇಳ್ದನು.
ನಾ ಬೇಡಲಾತ ತಂದೆಯಾಗಿ
ಕಾರುಣ್ಯ ಮಾಡೋನೆನಗು
ನಿನ್ನಂತೆ ನಾನು ನಂಬಿಯೇ
“ಕೇಳಪ್ಪಾ” ಎಂದು ಕೂಗುವೆ.
Verse 5
ನಿನ್ನಿಚ್ಛೆ ತಂದೇಯಿಚ್ಛೆಯಲ್ಲಿ
ಅನ್ಯೋನ್ಯ ಮಾಡಿ ಬೇಡಿದಿ
ನಾನಾದ್ರೂ ಬೇಡಿಕೊಳ್ಳುವಲ್ಲಿ
“ನಿನ್ನಿಷ್ಟ ತಂದೆ ಆಗಲಿ”
ಹೀಗೆಂದು ನಮ್ರನಾಗಿಯೇ
ಸ್ವಚಿತ್ತ ಬಿಟ್ಟು ಬೇಡುವೆ.
Verse 6
ನಿನ್ನನ್ನು ಮರ್ತ ಶಿಷ್ಯರನ್ನು
ನೀ ಕರ್ತ ಮರ್ಯಲಿಲ್ಲವು
ಸ್ವಕಷ್ಟದಲ್ಲು ಪರರನ್ನು
ನೀ ಚಿಂತಿಸುತ್ತ ಇರಲು
ನಾ ಪರರನು ಮರೆತು
ಬೇಡೋದು ಫಲವಿಲ್ಲದು.
Verse 7
ಓ ಯೇಸು ನೀನು ಬೇಡಿದಂತೆ
ನಾ ಬೇಡಲಿಕ್ಕೆ ಬೋಧಿಸು
ಯಥಾರ್ಥವಾಗಿ ಮಗನಂತೆ
ನಾ ಬೇಡೆ ತಂದೆ ಕೇಳ್ವನು
ಹೀಗಾಗಿ ಮೋಕ್ಷ ಪಡೆದು
ಅನಂತ ಸ್ತುತಿ ಗೈವೆನು.