Verse 1
ಏಳು ನೀ ಯೆರೂಸಲೇಮೆ
ಬೆಳಕಾಗು ಚೀಯೋನೇ.
ಮೂಡಿತಲ್ಲಾ ನಿನ್ನ ಮೇಲೆ
ದಿವ್ಯ ತಾರಾಕಾಂತೀಯೇ.
ದೂರದಿಂದ ಬಂದರು
ಮೂಡಣದ ಜನರು.
Verse 2
ಸಣ್ಣ ಬೇತ್ಲೆಹೇಮಿನಿಂದ
ಒಂದು ಹೊಸ ನಕ್ಷತ್ರ.
ಮೂಡಿ ದಿವ್ಯ ಕಾಂತಿಯಿಂದ
ದೂರ ದೇಶ ತನಕ.
ಹೊಯ್ದು ತನ್ನ ಕಿರಣ
ತಂತು ದೊಡ್ಡ ಹರುಷ.
Verse 3
ಸ್ವಲ್ಪ ಮಂದಿ ಬರುತ್ತಾರೆ
“ಯೂದ ದೇಶದರಸ
ಎಲ್ಲಿ” ಎಂದು ಕೇಳುತ್ತಾರೆ
“ನೋಡಿದ್ದೇವಾ ನಕ್ಷತ್ರ.”
ಭೂಮಿಯ ಸಮೂಹವೆ
ಅಡ್ಡಬೀಳು ರಾಜಗೆ.
Verse 4
ಪೂರ್ವ ದಿಕ್ಕಿನಿಂದ ಬಂತು
ನರಜಾತಿ ಚೊಚ್ಚಲು
ಲೋಕದೆಲ್ಲ ಜನರಂತು
ಸೇರುವರೀ ಬೆಳಕು.
ಬೇಗ ಬೇಗ ಬರಲಿ
ನಮ್ಮ ಯೇಸು ಆಳಲಿ.
Verse 5
ಈಗ ಕೊಂಚ ಪಾಲಿನಲ್ಲಿ
ಮಿರುಗುವ ಪ್ರಭೆಯಿಂ
ಪೂರ್ಣ ಲೋಕ ತ್ವರೆಯಲ್ಲಿ
ಶೋಭಿಸಲೀ ಬೆಳಕಿಂ.
ರಾತ್ರಿಯನ್ನು ಓಡಿಸು
ಸೂರ್ಯನೇ ಪ್ರಕಾಶಿಸು.