Verse 1
ಸೂರ್ಯನೇರಿ ಮೇಘದಲ್ಲಿ
ಜ್ಯೋತಿ ಚೆಲ್ಲುವಂದದಲ್ಲಿ
ನರರಂಧಕಾರವ
ಯೇಸು ಹೋಗ ಮಾಡುವ.
Verse 2
ಹೊನ್ನು ಮುಡಿ ಮಂಡೆಗಿಲ್ಲ
ಅಹಂಕಾರ ಛಾಯೆಯಿಲ್ಲ
ಕರುಣಾಶಯವೆ
ಆತನಲ್ಲಿ ಮಿಂಚುತ್ತೆ.
Verse 3
ಹಾನೋಕನ ಭಾವಶುದ್ಧಿ
ಇಸಾಕ್ ತಾಳ್ದ ಯಾಗಬುಧ್ಧಿ
ಪಿತೃಗಳ ಧರ್ಮವು
ಆತನ್ನಲ್ಲಿ ದೃಶ್ಯವು.
Verse 4
ಕಾಲಜ್ಞಾನಿ ಕೂಟವೆಲ್ಲ
ದೃಷ್ಟಿಯಿಟ್ಟು ಮೆಲ್ಲಮೆಲ್ಲ
ರಕ್ಷಕನ್ನ ಕಾಣಲು
ಪಾದಕ್ಕಡ್ಡ ಬಿದ್ದರು.
Verse 5
ಯಾವ ಮುನೀ ಬಾಯಿಯಿಂದ
ನಾವು ಕೇಳೋ ಮಾತಿಗಿಂತ
ಯೇಸುವಿನ ವಾಕ್ಯವು
ಎಷ್ಟೋ ಶ್ರೇಷ್ಠವಾದದ್ದು.
Verse 6
ಕವಿ ಋಷಿ ರಾಜ ಶೂರ
ಇವರಲ್ಲಿ ಪಾಪ ದೂರ
ಮಾಡಿದವರಾರೆಲೋ?
ಕ್ರಿಸ್ತನೊಬ್ಬನಲ್ಲವೋ.
Verse 7
ಮರ್ತ್ಯರೇ ನಿಮ್ಮಲ್ಲಿ ಬಂದ
ಪ್ರೀತಿ ನೀತಿ ಜೀವ ತಂದ
ಆತನ ಕಟಾಕ್ಷವೆ
ಗೊತ್ತಿಲ್ಲೇನು ನಿಮಗೆ?
Verse 8
ದೈವಮಾನವಕುಮಾರ
ನಿನ್ನ ಮೂಲ್ಯ ಉಪಕಾರ
ನನ್ನ ಗತಿ ನನ್ನನ್ನು
ಹಿಡಿತ್ರಾಹಿ ನಿತ್ಯಕು.
Verse 9
ಕ್ರೂಜೆಯಲ್ಲಿ ತೂಗಿದಾತ
ಮೇಘದಲ್ಲಿ ಬರುವಾತ
ಶುದ್ಧ ಶುದ್ಧ ಶುದ್ಧನು
ಅನ್ನಲೆಲ್ಲ ಸೃಷ್ಟಿಯು.