Verse 1
ವಿಶ್ರಾಂತಿ ತಿಕ್ಕು ಸ್ಥಳ ಉಂಡು
ಈ ಲೋಕೊಡೈನೆ ನಾಡೊಡ್ಚಿ.
ಅರ್ಪಾಟ ಮೂಳು ದಿಂಜ ಉಂಡು
ಪ್ರಕಾಶ ಸುಖ ತೋಜುಜಿ.
ಕ್ರಿಸ್ತ್ಯೇಸುನಂಚಿ ತೂಲ ಪ್ರಾಣಾ
ಔಳೇ ನಿಕ್ಕಾವು ಶಾಂತಿ ಮಾನ.
ಅಣ್ಣಾಲ ನಿನ ತರೆನೇ
ಉರ್ಡಾಟ ಮೂಳು ಮಾತ್ರ ಉಂಡು
ಸಂಕಷ್ಟ ಬೇಗ ಮುಗಿಯುಂಡು
ಔಳಾಪಗ ವಿಶ್ರಾಂತಿಯೇ.
Verse 2
ವಿಶ್ರಾಂತಿ ಒಂಜಿ ದೇವದಾನ
ನಿರಂತ ಆ ವಿಶ್ರಾಂತಿನೇ
ಅನಾದಿಡ್ದಿಂಚಿ ಜೀವಮಾನ
ಉಂಡಾವಂದಿ ಸಮಯೊಡೇ
ನಿರ್ಣಯ ಮಳ್ತೆ ಸರ್ವತ್ರಾಣಿ.
ಐಕಾದ್ ತನ ಜೀವ ಆನಿ
ಕ್ರಿಸ್ತ್ಯೇಸು ಬುಡ್ತೆ ಕ್ರುಸ್ಸುಡು.
ಕಂಗಾಲ್ ಆಯಿನಾಕ್ಳೇ ಬಲ್ಲೆ
ಸದ್ಭಕ್ತೆರೆ ಪ್ರವೇಶ ಆಲೆ
ವಿಶ್ರಾಂತಿ ಕೊರ್ಪಿ ರಾಜ್ಯಡೊ.
Verse 3
ಈ ಲೋಕ ದುಃಖೊಳುಪ್ಪುತಗ್ಗ್
ಪ್ರಯಾಸ ಕೊರ್ಪಿ ಸ್ಥಳನೇ.
ಸಮಸ್ತ ದುಃಖ ಇತ್ತೆ ದಕ್ಕ್
ಕ್ರಿಸ್ತ್ಯೇಸು ಸಮಜೈಸುವೆ
ಬೋಡಾಯಿ ಕಷ್ಟ ತಾಪತ್ರಯ
ಈ ತಿಂದ ಇತ್ತೆ ಯೆನಾಶ್ರಯ
ಸೇರೊಣ್ದು ಶಾಂತಿಡುಪ್ಪುಲ
ಓ ಯೆನ ದಾಸಾ ಯಾನ್ ಇಂಬು
ವಿಶ್ರಾಂತಿ ಯಾನೇ ಕೊರ್ಪೆ ನಂಬು
ಸಂತೋಷ ಆದ್ ದೆತ್ತೊಣ್ಲ.
Verse 4
ಆ ನಿತ್ಯಶಾಂತಿ ತಿಕ್ಕಿ ಜನ
ಏತೋ ಸಂತೋಷ ಹರ್ಷೊಡು
ಮಹಾ ಉಲ್ಲಾಸೊಡೌಳು ಘನ
ಉದ್ಧಾರಕನ್ ಲಕ್ಕಿ ಬಲ್ಲೆ
ಕಡೇಸ ಆವು ಚುರುಕಾಲೆ
ಸಮಸ್ತೆರೌಳು ಸೇರೊಡು.
ಐಕಾದ್ ಮಾತ ಭಾರ ದಕ್ಕಿ
ವಿಜೈಸುನಾಕುಳಾದ್ ಲಕ್ಕಿ
ವಿಶ್ರಾಂತಿ ಔಳು ತಿಕ್ಕುಂಡು.