Verse 1
ತೂಲ ಪರಲೋಕೊಡು
ನಿನ ಪಟ್ಟಣ
ಮೂಳು ಇಜ್ಜಿ ಅರಸು
ಓಳು ಉಳ್ಳನಾ
ಔಳು ಔಳೇ
ಪ್ರಜೆ ಮಾತ ಕೂಡೊಡ್ಚಾ?
ಔಳೇ ಸ್ಥಳ ನಿಕ್ಕ್‌ಲಾ
ಎಣ್ಣೊಣುಲ.
Verse 2
ಆತ್ಮಾ, ಏರ್ಲ ಬೇಗನೇ
ಯೇಸು ಸ್ಥಳೊಕು
ಔಳು ಭಂಙ ಕೋಟಲೆ
ಇಜ್ಜಿ ನಿತ್ಯೊಗು
ಸಂತೋಷನೇ.
ಲೋಕೊಡುಪ್ಪು ಮಹಿಮೆ
ಪೂರ್ತಿ ಲಯ ನಿಜನೇ.
ಮರ್ಲಾವಡ.
Verse 3
ಮೂಳು ಪಾಪ ನಾಶನ
ಮಾತ್ರ ಉಪ್ಪುಂಡು
ಸತ್ಯ ನೀತಿ ಒಂಜಿಲಾ
ಇಜ್ಜಿ ತೂವೊಣು.
ಓ ಪಾಪಾತ್ಮಾ
ದೇವ ಕೋಪದಿನೊಳು
ಮುಟ್ಟ ಮುಟ್ಟ ಬರ್ಪುಂಡು
ತಪ್ಪಾವೊಣ್ಲ.
Verse 4
ನಿನ ಕಣ್ಣ್ ಜಪ್ಪುಲ
ಎಡ್ಡೆ ತೂವೊಣು
ಸನ್ನ ಸಾದಿ ಪತ್ತ್‌ಲ
ಬೇಗ ಮುಗೀಯು.
ದಣಿಯಂದೆ
ಮಿತ್ತ್‌ದ ಸ್ವತಂತ್ರೊಗು
ಸಾಸ ಮಳ್ಪು ಅರಸು
ಕೈ ಬುಡಯೆ.
Verse 5
ಯೇಸುನು ಈ ನಂಬುಲ
ಆಯೆ ರಕ್ಷಕೆ.
ಲೋಕದಡ್ಡಿ ಮಾತೆನ್ಲಾ
ಪೂರ್ತಿ ದೆಪ್ಪುವೆ.
ಮದಪಡ
ಪರಿಶುದ್ಧ ಪಟ್ಣೊನೇ
ಆಯೆ ಸಿದ್ಧ ಮಳ್ತ್‌ದೆ
ಹರ್ಷಿಪುಲ.
Verse 6
ಕ್ರುಸ್ಸುಡ್ದೇ ಸಿಂಹಾಸನ
ಯೇಸು ಹೊಂದಿಯೆ.
ಉಂದೇ ಸಾದಿ ಎಣ್ಣೊಣ್ಲ
ನಿತ್ಯ ಮಹಿಮೆ
ಈ ನಾಡ್ಯಡ
ಅವ್ವೇ ಮಾರ್ಗ ಪತ್ತೊಣು
ಐಟೇ ಸರ್ತ ನಡಪು
ಪೇಚಾಡ್‍ಲ.
Verse 7
ಪರಲೋಕೊಡಾಪಗ
ಜಯ ತಿಕ್ಕುಂಡು.
ಹಲ್ಲೆಲೂಯ ಪಣ್‍ಂಬ
ನಿಕ್ಕ್ ನಿತ್ಯೊಗು
ಸಂತೋಷಲಾ
ಸುಖಲಾ ವಿಶ್ರಾಂತಿಲಾ
ತಿಕ್ಕು ಹರ್ಷೊಡುಪ್ಪುವ
ನಿರಂತ್ರನೆ.