236. ಪುಟ್ಟಿ ದಿನೊಕಾದ್
Verse 1
ಪುಟ್ಟಿ ದಿನೊಕಾದ್
ಹರ್ಷೊಡುಪ್ಪೊಲ್ಯ?
ನರಜನ್ಮೊಗಾದ್?
ದುಃಖ ಮಳ್ಪೊಡ್ಚಾ?
Verse 2
ಮೂಳು ಭಂಙ ಕಷ್ಟ
ಮೋಸ ಅನ್ಯಾಯ
ಕಣ್ಣನೀರ್ ನಷ್ಟ
ದುಃಖ ಮರಣ.
Verse 3
ಆಂಡ ಯೆನ ಯೇಸು
ದುಃಖ ಮಾತೆನ್ಲಾ
ದೆಪ್ಪುನಾಯೆ ಲೇಸು
ಏತೋ ಆಶ್ಚರ್ಯ.
Verse 4
ಯೇಸೋ ಈಯೇ ಯೆನ
ಸ್ವಾಮಿ ನಿನನೇ
ನಂಬೊಣ್ದುಪ್ಪು ಜನ
ಭಾಗ್ಯವಂತೆರೇ.
Verse 5
ಏತೋ ನಿನ ಮೋಕೆ
ಅಂತಃಕರಣೆ
ನಿನ ಮಲ್ಲ ಜೋಕೆ
ಅನುಭವಿತೆ.
Verse 6
ನಿಕ್ಕ್ ವಶ ಆಯೆ
ಯೇಸೋ ನಿನಡೇ
ಶಾಂತಿ ಆಯಿನಾಯೆ
ಉಳ್ಳೆ ನಿತ್ಯೊಗೇ.
Verse 7
ಪಾಪ ಪರಿಹಾರ
ಪ್ರಾಣ ರಕ್ಷಣೆ
ದಿಂಜ ಉಪಕಾರ
ಯಾನ್ ಹೊಂದಿಯೆ.
Verse 8
ಇತ್ತೆ ನರಪುತ್ರ
ಜನ್ಮ ಎಡ್ಡೆನೇ
ಯೇಸೊಡ್ದೇ ಪವಿತ್ರ
ಬೇಗ ಆವೊಣ್ಲೆ.
Verse 9
ಯೇಸುಸ್ವಾಮಿ ಸೇವೆ
ಮಳ್ಪುನಾಯೆನೇ
ಉಂದೆಟ್ ಹೊಂದೇವೆ
ಆತ್ಮ ರಕ್ಷಣೆ.
Verse 10
ದಾಲಾ ತಾಪತ್ರಯ
ನಿಕ್ಕ್ ಆಂಡಲಾ
ಉಂದೆಟ್ಲಾ ಸಹಾಯ
ಮಿತ್ತಡ್ದಾಪುಜಾ?
Verse 11
ಯೇಸು ಕ್ರಿಸ್ತಗಾದ್
ಅಮ್ಮೆ ದೇವೆರೇ
ದಯೊನು ತೋಜಾದ್
ಕಾತೊಣ್ದುಪ್ಪುವೆ.
Verse 12
ದುಂಬು ಪೋಪಿನೆಕ್
ಯೆಂಕ್ ಸಾಮರ್ಥ್ಯ
ಮಾತ ದಿನೊಳೆಗ್
ಕೊರ್ಪೆ ನಿಶ್ಚಯ.
Verse 13
ಸಾವು ಬರ್ಪಿನಾನಿ
ಸ್ವರ್ಗರಾಜ್ಯೊಗು
ಅಮ್ಮ ಜನಮಾನಿ
ಯೆನನ್ಲೆಪ್ಪುಂಡು.
Verse 14
ಔಳು ಪೂರ್ತಿ ಜಯ
ಸುಖ ಭಾಗ್ಯನೇ
ನಿತ್ಯ ಹಲ್ಲೆಲೂಯ
ಔಳು ಕೆಣ್‍ಂಬೆ.