Verse 1
ಓ ಮಗಾ ನಿನ ಉಡಲೇ
ಈ ಯೆಂಕ್ ಕೊರೊಡು.
ಸುವಾರ್ತೆ ಕೇಣ್‍ನಗನೇ
ಹರ್ಷಾದ್ ಒಪ್ಪ್ಯೊಣು.
Verse 2
ಅಮ್ಮಾ ಯೆನ ಹೃದಯೊನು
ನಿಕ್ಕೊರ್ಪೆ ದೆತ್ತೊಣ್ಲ
ಈ ಐನ್ ಮಡಿ ಮಳ್ಪೊಡು.
ಈ ಶುದ್ಧದಾಯತ್ತಾ?
Verse 3
ಕಠಿಣ ಇತ್ತಿ ಹೃದಯ
ಪೂರ್ತ್ಯಾದ್ ದರ್ಪುಲ.
ಯೆನನ್ ಮೆದು ಮಳ್ಪುಲ
ಪವಿತ್ರ ಕರ್ತವಾ.
Verse 4
ಯಥಾರ್ಥ ಪಶ್ಚಾತ್ತಾಪೊನು
ಪುಟ್ಟಾಲ ಯೆನಡ್ಲಾ
ಸದ್ಗುಣ ಸಮಾಧಾನೊನು
ಈ ಕೊರ್ಲ ರಕ್ಷಕ.
Verse 5
ಅಶುದ್ಧ ಯೆನ ಕೆಲಸ
ಉಂದೆನ್ ತೂವಡ
ನಿನಡೇ ಯೆಂಕ್ ನೀತಿಲಾ
ನಿರ್ದೋಷ ಸ್ಥಿತಿಲಾ.
Verse 6
ಕ್ರಿಸ್ತ್ಯೇಸೋ ದಿವ್ಯ ಬೋಳ್ಪುನು
ನಿನಾತ್ಮ ಸಾಮರ್ಥ್ಯ
ಯೆಂಕೊರ್ದು ನಿನ ಐಕ್ಯೊಡು
ಯೆನನ್ ಕಾಪುಲ.
Verse 7
ವಿಶ್ವಾಸದ ಉರ್ಡಾಟೊಡು
ಧೈರ್ಯಾದ್ ಕಾದೆರೆ
ಈ ಕೊರ್ಲ ಸರ್ವಾಯುಧೊನು
ಉಂದೆಟ್ ಜೈಸುವೆ.
Verse 8
ಯೆನಂತ್ಯ ಮುಟ್ಟ ಬನ್ನಗ
ನಿರೀಕ್ಷೆ ಬುಡಂದೆ
ಸ್ಥಿರಾಪಿಲೆಕ್ಕ ಮಳ್ಪುಲ
ತೋಜಾಲ ಗಡುನೆ.
Verse 9
ಯೆನನ್ ನಿನ ಪ್ರೀತಿಡೇ
ಉಂತಾಲ ಕರ್ತವಾ.
ದಂಡ್ಯಾಲ ಆಳ್ತ ಮಹಿಮೆ
ಸುಭಾಗ್ಯ ನಿತ್ಯಲಾ.