Verse 1
ಯೇಸು ಸ್ವಾಮಿಯೇ
ಯಾನ್ ನಿನ್ನಾಯೆ.
ನಿನ ಪ್ರೀತಿ ನಿನ ದಯ
ನಿನ ಸತ್ಯದ ಸಹಾಯ
ಯಾನ್ ಬುಡಂದೆ
ನೆನೆತೊಣುವೆ್.
Verse 2
ನಿನ ಕರುಣ
ಯೆನ ಶರಣ.
ನಿನ ಪ್ರೀತಿ ಪೂರ್ತಿ ಪ್ರೀತಿ
ಈಯೇ ಯೆನ ನಿಜ ನೀತಿ
ಯೆನ ಅಕ್ರಮ
ಪರಿಹರಿತ.
Verse 3
ಯೇಸೋ ನಿನನೇ
ಯಾನ್ ಪತ್ತೊಂಡೆ್
ಈಯೇ ಮಾರ್ಗ ಜೀವ ಸತ್ಯ
ಈಯೇ ಮಾತ್ರ ಯೆಂಕಗತ್ಯ.
ನಿನ ಹೊರ್ತಂದೆ
ಗಡು ಮುಟ್ಟಯೆ್.
Verse 4
ನಿನ ಐಕ್ಯೊಡು
ಯಾನ್ ನಿತ್ಯೊಗು
ಸ್ಥಿರ ಆದ್ ಉಂತುಲೆಕ್ಕ
ನಿನ ಆತ್ಮದಭಿಷೇಕ
ದಯ ಮಳ್ಪುಲ
ಪ್ರಿಯ ಕರ್ತವಾ.
Verse 5
ಯೆನ ದೇವೆರೇ
ಯಾನ್ ಪಾಪಿಷ್ಟೆ
ಆಂಡ್ಲಾ ನಟ್ಟುನಾಯೆ ಆದ್
ನಿನ ಮಲ್ಲ ಪ್ರೀತಿಗಾದ್
ಧೈರ್ಯ ಮಳ್ತೊಂಡೆ್
ದಯ ಹೊಂದಿಯೆ್.
Verse 6
ಯೇಸೋ ನಿನನೇ
ಯಾನ್ ನಂಬುವೆ್.
ಮೂಳು ಯಾನ್ ಪೂರ್ತಿಯಾದ್
ನಿಕ್ಕೇ ಸೇರ್ದೆ ಉಂದೆಕಾದ್
ಔಳು ಸೇರಾವು
ನಿನ ರಾಜ್ಯೊಗು.