Verse 1
ಲೋಕ ಕೊರ್ಪಿ ಭಂಙ ಯೆಂಕ್ ದಾನೆ?
ಯೇಸು ಕ್ರಿಸ್ತೆ ಯೆನ ಯಜಮಾನೆ
ಉಂದೆಡ್ದೇತೋಕಷ್ಟ ತಾಳೊಂಡೆ.
ಮುಳ್ಳುಮಾಲೆ ಆಯೆ ಹೊಂದಿಸ್ಥಾನ
ಬೊಡ್ಚಿ ಯೆಂಕ್ ಮಲ್ಲ ಕೀರ್ತಿ ಮಾನ
ಆಯ ಕ್ರುಸ್ಸು ಯಾನ್ ದೆತ್ತೊಂಡೆ್.
Verse 2
ಜೀವಯಾತ್ರೆಗ್ ಬೋಡಾಪಿ ದಾನ
ಮಾರ್ಗೊನು ತೋಜಾವು ಆತ್ಮ ಜ್ಞಾನ
ಯೆಂಕ್ ಕೊರ್ಲ ಪ್ರಿಯ ಕರ್ತವಾ.
ಮಾತ ಕಷ್ಟೊಡು ಈಯೇ ಸಹಾಯ
ಇನ್ಪಿನೆನ್ ಗ್ರಹಿಪು ಹೃದಯ
ಯೇಸೋ ಯೆಂಕ್ ದಯ ಮಳ್ಪುಲ.
Verse 3
ನಂಬಿಗೆನ್ ಯೆನಡ್ ಹೆಚ್ಚಾದ್
ಸತ್ಯ ಶುದ್ಧ ಪ್ರೀತಿನ್ ಪುಟ್ಟಾದ್
ನಿನಲೆಕ್ಕ ಮಳ್ಪು ಯೆನನ್ಲಾ
ಪ್ರೀತಿದಾಂತೆ ಯೆನ ಜೀವ ವ್ಯರ್ಥ
ಪ್ರೀತಿ ಮಳ್ಪುನಾಕುಳೆಗ್ ಮಾತ್ರ
ಯೇಸೋ ಈ ಆಶೀರ್ವದಿಪುವ.
Verse 4
ದಯೊಟು ಯೆನನ್ ಆನಿ ಲೆತ್ತ
ಆಂಡ ಸ್ವರ್ಗೊಗು ಮಿತ್ತೇರು ಮುಟ್ಟ
ನನ ಉಂಡ ದಿಂಜ ಮುಟ್ಟುಳು.
ಶಕ್ತಿದಾಂತಿ ನಿನ ಚಾಕ್ರಿದಾಯೆ
ದಣಿಯಂದೆ ದುಂಬು ಸಾಗುನಾಯೆ
ಆಪಿಲೆಕ್ಕ ಕೊರ್ಲ ಬಲೊನು.
Verse 5
ಲೋಕದ ಪ್ರಯಾಣೊಡು ಆಯಾಸ
ಆನಗ ಪುಟ್ಟಾಲ ಸದ್ವಿಶ್ವಾಸ
ಅಳ್ತ ಭಾಗ್ಯೊಳೆನ್ ತೋಜಾವು
ಐಡ್ದ್ ಆವು ಯೆಂಕ್ ಸಮಾಧಾನ
ತಿಕ್ಕು ಯೆಂಕ್ ಸತ್ಯ ಜೀವಪಾನ
ಮೂಳು ಆಪಿ ಕಷ್ಟಭಂಙೊಡು.
Verse 6
ಯಾನ್ ಮೂಳು ಪರಊರುದಾಯೆ
ಉಪದ್ರೊಗು ಒಳಗಾಯಿನಾಯೆ.
ಗತಿದಾಂತಿ ಬಡ ಸೇವಕೆ
ಕ್ರುಸ್ಸು ಯೆನ ಬಾಳುವೆದ ಗುರ್ತು
ಆಂಡ ಬರು ಸುಖತ ಮುಹೂರ್ತ
ಪರಲೋಕದಮ್ಮ ಇಲ್ಲಡೇ.